top of page

PEISAZH ME BRYMË


PEISAZH ME BRYMË


Nata spërkati brymë,

u thinjën pemët,

qershia duket si shtrig;ë,

u thinjën mustaqet e qenit,

u thinjën tjegullat,

edhe kapelet e oxhakëve,


u verbuan dritaret

dhe syri i lëngshëm i lumit.


Doli dielli,

djersinë pemët si nuset kur dalin nga banja,

djersinë mustaqet e qenit,

djersinë çatitë,

djersiu gardhi,

djersinë kapelet e oxhakëve.


mëllenja shkund brymën dhe ia thirret këngës:

kriu-kriuuuuu!


Lotojnë dritaret,

mjegullohen sytë e komshies,

i bëj ca shenja çamarroke,

ajo struket pas kortinës,

e pikëluar me grep,

vajton pa zë ditë e natë,


jo se do martohet përtej malit,

por se përtej malit nuk bie brymë e as dëborë.


Djersiu stela e kotecit,

kakarisin pulat,

teto Frosa jep lajmin e mëngjesit:

një jariçkë u shkel dhe u bë pulë.


Ki-ki-ri-kiiiiii pincon sqepin dhëndri i ri,

lafsha ka filluar t'i skuqet,

i përpoqi krahët sa u shkund gjithësia,

u shkund edhe bryma nga bishti i tij hënor

22 views0 comments

תגובות


Shkrimet e fundit

fjalaelireloadinggif.gif
bottom of page