top of page

 Parashikimi i kohës


Harold  Pinter

 

                       

Kundërshtues i përhershëm dhe i ndërgjegjshëm.

 

 

Takim        

Është e natës ora e vdekur

 

Të vdekurit e vjetër shikojnë 

Të vdekurit e rinj

tek afrohen

 

Dëgjohet një rrahje zemre e lehtë

Sikur përqafohen të vdekurit

Ata që janë prej kohe të vdekur

Dhe ata  të vdekurit e rinj

Që vazhdojnë të afrohen

 

Qajnë dhe puthen

Sikur ri-takohen

Për të parën herë dhe të fundit

 

 

 Pas vaktit

 

 

Pas mesditës gjallesa të veshura mirë, vijnë

Të nuhasin të vdekurit

Dhe të marrin vaktin e tyre.

 

Të gjitha ato gjallesa aq mirë të veshura mbledhin

Avokandot e buhavitura nga pluhuri

Dhe trazojnë minestronen* e tyre me eshtrat e përhapura

Pas vaktit ulen për tu çlodhur

Dhe  hedhin qetësisht  verë  të kuqe në kafkat e përshtatshme.

 

 Parashikimi i kohës

 

Koha fillimisht do të jetë e vrenjtur

Mjaft e ftohtë

Më vonë, për sa të mbaj dita

Do ketë kohë të mirë me diell

Pasditja do jetë e thatë dhe e nxehtë.

 

Në mbrëmje do dalë hëna

Shumë e ndritshme.

Do fryj, (të theksohet,)

Erë e fortë

Por para mesnate do qetësohet.

Asgjë tjetër nuk do të ndodhë.

 

Ky është parashikimi i fundit.

27 views2 comments

2 Comments


Të kesh një mik si Kozma Gjergji nuk është shumë, se miqtë asnjëherë nuk teprojnë, por që të kesh një mik që të gëzohet aq shumë me suksesin tënd edhe pse nuk e ke parë dhe as të ka parë ndonjëherë në jetë; një mik do të doje shumë ta takosh edhe për një çast të vetëm në nxitim e sipër në një stacion treni, ose në një aerodrom ku aeroplanët nuk presin, kjo të emocionon dhe të ve në mendime se si mund ta takosh këtë mik edhe për një çast të vetëm. Për ta takuar këtë mik, unë nuk e mat largësinë me kilometra, por me një fluturim. Nuk jemi larg miku im! Vetëm një orë; e shu…


Like

Kozma Gjergji
Kozma Gjergji
Dec 31, 2023

Miku im i nderuar Vasil Klironomi, ju uroj Festën e ndërrimit të moteve!

Viti i Ri 2024 qoftë për Ju e Bashkëshorten e shumërespektuar dhe më të shtrenjtit

përplot gëzime e befasira të këndshme në familje, krijimtarinë letrare e në çdo

veprimtari tjetër. Një dolli të veçant për miqësinë tonë të bukur e sinqertë si arti që

na njohu e bëri të afërt.

Përzemërsisht, Kozma Gjergji.

Venecia, 31 dhjetor 2023.

Like

Shkrimet e fundit

fjalaelireloadinggif.gif
bottom of page