![](https://static.wixstatic.com/media/a48dbc_b52bc9ed00c14f25af54819d5ea3b6cd~mv2.jpg/v1/fill/w_151,h_144,al_c,q_80,usm_0.66_1.00_0.01,blur_2,enc_auto/a48dbc_b52bc9ed00c14f25af54819d5ea3b6cd~mv2.jpg)
Përfundon rikonstruksioni i Qendrës Shëndetësore në Trebisht.
Janë mbi 1300 banorë që do të përfitojnë një shërbim shumë më cilësor nga Qendra Shëndetësore në Trebisht, e cila iu nënshtrua një rikonstruksioni total.
Kryetari i Bashkisë Bulqizë, z.Lefter Alla ka vizituar nga afër mjediset e qendrës shëndetësore të kësaj njësie, e cila tashmë ofron një shërbim të denjë për banorët e Trebishtit. Projekti u realizua falë fondit të Ministrisë së Shëndetësisë dhe Mbrojtjes Sociale në kuadër të rikonstruksionit të 300 qendrave shëndetësore.
Ndërkohë, gjatë vizitës në këtë njësi, Kryetari Alla u takua edhe me disa prej banorëve, me të cilët ndau projektet për rikonstruksion të zyrave të NjA Trebisht dhe të rrugëve rurale që kalojnë përmes saj.