top of page

Për gruan time


Për gruan time

Nga Fatmir Terziu


E di që sonte jam vonuar. E di

yjet janë lodhur me ty në dritare

e hëna të ka zbritur në sy

kristale…


… është vonë.

Pesha e qepallave i ka mjegulluar trotuaret…


Patjetër që do të dëgjosh edhe në gjumë,

kërcitjen e lehtë të një trëndafili.

Mos më pyet më shumë!

Derën lëre të hapur të futen ëndrrat

mos i lë jashtë në rrugë

hapat e mia

do të mësyjnë e ti do të zgjohesh

të thithësh aromën e munguar

të këtij trilli.


E pastaj do të lë një shenjë në buzë.

Në errësirë do të kërkoj trëndafilin

e ti do të më thuash më puth

shpejt se ëndrrat si petale po më ikin…


… ndaj vonesat janë një mall

që ne të digjemi si me zjarr!

98 views2 comments

2 Yorum


Eshref Ymeri
Eshref Ymeri
07 Şub 2023

I dashur Profesor Fatmiri,

Poezi e bukur që të ndez kujtimet, të përflladit ëndrrat, të rrëmben drejt hapësirave të ndjenjave fisnike. Dashurinë për melhemin e zemrës suaj, Perëndeshën Luçiana, kam dëshirë ta përfytyroj si një det që nuk gjen kurrë qetësi, tek nis dallgët kaltëroshe drejt brigjeve të zemrave tuaja.

Eshref Ymeri

Kaliforni, 07 shkurt 2023

Beğen

Dashuri e shprehur me shumë art por mbi të gjitha me një elegancë tepër mbresëlënëse. Pasi e ke lexuar, thua: ”Do ta lexoj përsëri. “

Të lë një shije estetike jashtëzakonisht të bukur dhe të zhyt si pa e kuptuar në kujtime të ëmbla... Përgëzime profesor Terziu!

Me respekt për ju,

Sefulla Kata,

Itali

Beğen

Shkrimet e fundit

fjalaelireloadinggif.gif
bottom of page