NJË PËRGJIGJE NDAJ SHPIFJES


NJË PËRGJIGJE NDAJ SHPIFJES SË MINISTRIT TË JASHTËM TË SERBISË, z.NIKOLLA SELAKOVIQ


Dilaver Goxhaj


Presidentja e Kosovës, Vjosa Osmani, është përplasur sot dt.15 tetor 2021, me ministrin e Jashtëm të Serbisë, Nikolla Selakoviç në Takimin e KS të OKB-së për Kosovën, ku z. Nikolla Selakoviç shpifi duke thënë, se UCK-ja pat djegur kisha serbe dhe ka prishur varrezat e tyre.

I them këtij zotërie, në qoftë se Ushtria Clirimtare e Kosovës do të kishte atë lloj urrejtje, atëhere nuk do digjte gjatë luftës çlirimtare dyvjeçare ndëretnike, 1997-1999, një apo disa kisha e manastire ortodokse, por kishte mundësi t’i digjte të gjitha ato objekte kulti pasi nuk ia ndalte kush dorën; do të vepronte në shënjë hakmarrjeje ndaj akteve të tilla barbare që bëri policia dhe ushtria serbe që dogjën e shkatërruan në Kosovë plot 218 xhami dhe të gjitha teqetë bektashiane, pa përjashtim, kryesisht gjatë katër muajve të fundit të luftës, mars – qershor 1999. Kaq objekte muslimane kulti nuk dogjën as 12 kryqëzatat e krishtera kundwr muslimanizmit. Dhe anasjelltas, gjatë asaj kohe nuk u dogj asnjë kishë apo manastir ortodoks nga ana e UCK-së.