top of page

NJË LULE NË LUMË


POEZI NGA MYSLIM MASKA

RETORIKË ABSURDE!

Kush të vrau?

-Babai dhe Nëna

Ata që më lindën

Dhe më deshën shumë…

Prill 14-4-2022

PËRSE?

Përse qesh,

Kur duhet të qash,

Për çka sheh e të dhemb zëmra?

-Po, por jeta

S’është mëndafsh

Ka dhe gjak dhe dhimbje brënda…

Prill,14 -4-2022

SOT

Sot,

Hëna doli

Një minutë me vonesë,

Ndoshta,

Mbajti një minutë “Zi”

Për Halitin,

Babanë tim,

Që per mua ishte shenjtë.

28 Mars 2003, Drobonik.

NJË LULE NË LUMË

Vdiq i dehur ,

Një miku im i rinisë!

Kish dashur të përkëdhelte hënën

Që lahej lakuriq në Osum,

Ndoshta e pandehu

Vajzë bukuroshe

Ose nimfë…

E kërkuan, e kërkuan

Dhe s’e gjetën …

Mbase,

S’i pëlqente varrimi me njerëz!

Nga gjashtëqind kilometra larg,

Po shkoj thjesht,

Të hedh nje lule ne lumë…

76 views4 comments

4 Comments


I nderuar z. Atahanasi!

Falnderimet e mia te perzemerta per angazhimin, interpretimin e ngrohte artistiko- shpirteror te poezive te mia.

Ju uroj suksese ne krijimtarine tuaj befasuese, origjinale.

Me shume respekt, Myslim Maska, Athine.

Like

sotir.mimi
sotir.mimi
Apr 16, 2022

Xingografia

Lexoj poezitë e mikut tim Myslym dhe befasohem me idetë e hedhura në vargje ku metaforat ndriçojnë fantazinë dhe unë vë buzën në gaz për t'u rikthyer interpretimit. Kështu me Hënën që del me vonesë në shenjë respekti për Babanë e ndjerë, apo edhe për shokun e dehur që humb jetën në lumë dhe që, për unin nuk janë gjë 600 km.kur duhet shkuar për të zbutur dhimbjen me hedhjen e një Lule në lumë. Se kështu e ka dhe e kërkon jeta. Se e tillë është ndjejshmëria e poetit dhe unë i uroj që të vazhdojë në këtë mënyrë krijimtarinë e tij. Me begati!

Xingografia!/Athinë.


Like

I nderuar mik! Me befasove me kujtimet e Drobonikut. Me ngacmove dhe mua thellesisht.

Duket te kane lene mbresa te thella, qe , edhe pas 40-te a me shume vitesh te kane ngelur ne kujtese. Bukur! Por ne si do t'ia bejme, qe pas tridhjete e me shume vitesh te ulemi perballe

si dikur, ne tavoline duke pire nje kafe, duke trokitur nje gote rakie, duke pare njeri-tjetrin ne sy

dhe duke diskutuar per jeten dhe letersine qe na "hengri" jeten, para se te shkojme ne "Folene" e perjeteshme?...Kjo nuk eshte nostalgji, kjo eshte e verteta e jetes.

Te faleminderit shume per vleresimin e poezive. Suksese dhe juve. Te perqafoj me mall, te fala

Myslimi.


Like

Kozma Gjergji
Kozma Gjergji
Apr 15, 2022

Një kuartet poetik, që këndon prekshëm gjëra për të cilat ka aq shumë nevojë

zemra njerëzore. Ky është dhe misioni i poezisë së vërtetë. Më pëlqyen në veçanti "Sot"

dhe "Një lule në lumë". Me poezinë "Sot" më kujtove të ndjerin, të mirin e të paharruarin

Babain tënd, që mrekullisht pata fatin të takohesha, të bisedonim e festonim bashkë atje

tek shtëpia jote prindërore në Drobonikun mahnitës. Qoftë kurdoherë i ndritur emri dhe

kujtimi tepër i shtrenjtë i baba Halitit! Urime i dashur mik! Përqafime, K.Gjergji.

Like

Shkrimet e fundit

fjalaelireloadinggif.gif
bottom of page