top of page

NË KODËRVILË


NË KODËRVILË Janë disa kujtime Me krahë të thyera Mbetur në degët e pishave Si boçe

Janë disa tinguj muzike vallëzimi Në pistën e vjetër "Rinia" Që tundin në themele ndërtimet Me goditje sizmike.

Ndërsa unë sot Me vallëzimin e vitit 1997 Ripërtyp tingujt e një muzike funebre, Me të rejat e botës "Go west" në ikje.

Kështu pushoj çdo ditë Në Kodërvilë; Duke varur në pishat e prera kujtimet, Duke parë lotët e rrëshirta të pishave Mes prerjeve cfilitëse.

Ëndrrimet e mija, Me qarjet e një fëmije, Kanë mbetur në lisharsin e ndryshkur; Në dritësyrin e Farit detar, Varur në degët e prera Si kujtime... 28/5/2018

MEDITIM PARA TAVOLINËS TË MJEDËS

Meditoj para një tavoline të vjetër Këtu në Kukël. Dora e Mjeshtri Mjedë E bëri siç bëri një vedër

Stoike e vetme në ballë qëndron, Dëshmitare e zejeve të kësaj ane, Ku Mjeshtri Mjedë në rafte pushon Ashtu i kërrusur, Në qelinë e mbrame.

Erdhëm Mjedë në përvjetorin tënd, Gjuhën e lëmuar nër zera uzdajë E gjetëm raftëve anë e kënd; Si"molla t'këputuna një degët" Si "dy qershia lidh në një rrëfajë" Kukël 2016

KURTHI I BORËS

Ngjitemi Fekenit, Në nëpërkëmbje Borën duke vështruar. E "rrahim" ate me shputat tona, Apo na "rreh" ajo me butësi Duke na mashtruar?!... Çdo fjollë bore Nga lartësitë vjen si enigmë, Si tehu i shpatës në sy. Gjumi i borës Ulet mbi qepalla Butazi,si gijotinë.

Feken1968

5 views0 comments

Shkrimet e fundit

fjalaelireloadinggif.gif
bottom of page