![](https://static.wixstatic.com/media/a48dbc_89264b787e104291901800aea7c48d8c~mv2.png/v1/fill/w_49,h_49,al_c,q_85,usm_0.66_1.00_0.01,blur_2,enc_auto/a48dbc_89264b787e104291901800aea7c48d8c~mv2.png)
LODHJE MËRGIMI
Kur ndizen yjet në perëndimin grinatë, E rrezja e fundit më thotë lamtumirë, Seç m'a kërkon shpirti nën hijen lofatë Vendlindjen e braktisur si Shën Vladimir.
Pyllit të ëndrrave ngjitem përpjetë Si fëmija dikur, me të çmendurin shpirt; Në kroin e Gogajve, në Gogle internet Me lot laj fytyrën, një copë shpirti ngjiz.
Kafshoj lodhjen, mërzinë si askushi, Shtyrë së koti me shpresë si nga mot; Nga ylli në ylli çapitem si kukuthi, Rri e mbaj vesh lodhjen si në mort.
Gjithçka të dashur e kam lënë larg, Vendlindja më zhurmon në gjurmë rrëkeje, Nga Suhë e Buretos, i gjallë si astrolab Më gjykon gjyshi me zë prej rrufeje
Castelnuovo di Sotto 9/11/2017
ANIJA"PANAMA"
Deng anija u bë gati për nisje, Tymtari mbi refugjatë Bluzën zu të villte. Midis pulëbardhave, mes krakitjeve Syri më ndalet në fluturakun E lutjeve të vjetra biblike. Ku më çoni ju shpresa të venitur!... Besë s'ju zë braktisjeve, As pulbardhave, Me të qarat krakitje. Nostrom i shpresave të mija Vështro tymtarin si zvarget në ikje tek vendlindja Si një tufë korbash Me ndjesi fatkeqësie, Mes plagëve të një Golgote, Vallë kjo qenka liria?!...
1993
NË GJURMËT E TIM ETI
Eci në gjurmët e tim Eti Rrugës Ram Nagorës. Nën shtroje gjurmët e kahershme Me baltën e kuqërremtë Ziejnë si bukëvalë.
Ostreni tulatur nën kodrën e lartë, Nën sqetull Qafë e Dragalicës Si një gjuhë e prerë, Nga thirrjet e të ikur ve Mbetur jashtë.
Kërkoj mbërritjen, Lotin e kullës kërkoj Mes gurëve mbetur vragë; Një dritë pishe kërkoj, Fshatin e tim Eti për ta parë.
Kërkoj ngulimet e kaherëshme, Varrosur nën asfalt; Ku thellë e më thellë Rron shpresa Në baltën e kuqe, E ngrohtë si bukëvalë.