top of page

Mos prisni të shaj të Tjerët


Mos prisni të shaj të Tjerët

Nga Fatmir Terziu


Mos prisni të shaj të Tjerët. Mos prisni

kam mbirë mbi një rrënjë të lashtë

bëj kryq e be dhe nëse do të vdisni

thjesht do të them „Ndjesë pastë!“


Mbi këtë rrënjë nuk bëj dot mëkat,

me rrjeta fjalësh të një shpirti të errët,

kështu të gjithë Ju mbeteni me fat

unë nuk shaj sikurse e thashë më herët.


Por Zoti më ka dhënë një talent

të qëndisë një varg fjalësh me art

siç shkëlqen nuri i një Nimfe në det

kur rrezet e bekuara i bien nga lart.


Ndaj mbetem përkitazi me këtë mjet

tres shpirtin tim në vend të Tjetrit

pasi u duhem edhe juve me t'vërtet,

sikurse duhej kryqëzimi i Shën Pjetrit.


E kështu mbes i betuar në këtë pikë,

e them publikisht, jo thjesht mes nesh,

fundja a ka ndonjë kuptim një dritë,

kur prodhon vetëm hije dhe rrebesh?


Mbi këtë betim nuk bëj dot mëkat,

me rrjeta fjalësh të një shpirti të errët,

kështu të gjithë Ju mbeteni me fat

unë nuk shaj, sikurse e thashë më herët.

29 views1 comment

1 Comment


Urime! Nje poezi me shume kumt miresie. Me pelqen muzika qe i ke dhene vargut dhe fjales se zgjedhur!

Like

Shkrimet e fundit

fjalaelireloadinggif.gif
bottom of page