MESAZHE FISNIKËRIE TË DEPUTETIT FLAMUR HOXHA NË KUKËS


REXHEP SHAHU Kryesuesi i listës së deputetëve të Partisë Demokratike për Qarkun e Kukësit, Flamur Hoxha, me kandidatët e tjerë dhe drejtues lokalë të PD, Isuf Çela, Arif Rexhmati, Admir Sinamati, Myftar Dauti, Vjollca Vata Omuri, Shyrete Koka, Festim Mazrreku, Sokol Dida, ditën e parë të çeljes zyrtare të fushatës së zgjedhjeve nacionale politike në Kukës, shkuan dhe heshtën pak minuta para bustit të poetit Havzi Nela, i ekzekutuar me varje në litar në Kukës me 10 gusht 1988, pasi kishte bërë mbi dy dekada burg e internim. Heshtje, nderim e premtim para Havzi Nelës, startim special dhe i bukur i fushatës politike. Tubime, takime elektorale, premtime, përqafime, fjalime bëhën përditë e kudo, por si ky aktivitet e solemnitet te busti i Havzi Nelës bëhën rrallë se gjërat e bukura ndodhin rrallë. Vështirë të ketë çelje të fushatës elektorale në mënyrë kaq fisnike e domëthënëse sa e bëri deputeti Flamur Hoxha me ekipin e kandidatëve të PD për deputetë në Qarkun e Kukësit që bashkarisht shkuan para bustit të poetit të varur Havzi Nela dhe u përshëndetën me të. Asnjëherë nuk ka ndodhë kjo gjë, ky gjest i lartë moral, politik e qytetar njëherësh. Edhe se nuk ka qenë busti por edhe se ka munguar vullneti politik. Tani nuk mungoi vullneti politik. Deputeti Flamur Hoxha, të cilit regjimi komunist ia ka pushkatuar gjyshin në Kukës, rreth 13 vjet para se ta varnin në mënyrë makabre poetin Havzi Nela, dhe kufomën e tij ta varrosnin duke e ngulë në këmbë në një gropë të hapur shtylle elektrike dhe kokën t’ia zhduknin, mbase doli tepër gropës së shtyllës… për shkak të cilësive e ndjeshmërive të larta njerzore, është ai që ka mbështetë financiarisht botimin për herë të parë të veprës së plotë të poetit martir Havzi Nela me titullin “Shtatë Fletore me 5548 vargje” botim anastatik, në 30 vjetorin e varjes së tij, ka mbështetë librin “Shkrimtarët për Havzi Nelën – shpirti i lirë i Lumës”, ku kanë shkruar ekskluzivisht për të 58 shkrimtarë shqiptarë, ka mbështetë numrin special 14 të “illz, revistë letrare e Tiranës” me 500 faqe, kushtuar Havziut dhe shkrimtarëve martirë të gjithë botës, pjesërisht librin “Bisedë e përfytyruar me Havzi Nelën” dhe pelegrinazhin e shkrimtarëve në Kollovoz te shtëpia e poetit martir Havzi Nela që e ndërtoi bashkia