![](https://static.wixstatic.com/media/a48dbc_5c9373dd6e2747318223edc3c25c00e8~mv2.jpg/v1/fill/w_144,h_144,al_c,q_80,usm_0.66_1.00_0.01,blur_2,enc_auto/a48dbc_5c9373dd6e2747318223edc3c25c00e8~mv2.jpg)
Mimozat në verë,
nuk kanë lule.
Adhurojnë dimrin për erasti.
Fshehin diçka nga blerimi i stinës së tyre
dhe ngjasojnë me vajzat e dashuruara
lodhur nga stina e puthjeve….
Vetëm se kanë nur. Një magnet erotik ngjyr’ e tyre.
E verdhë lamburitese
ku fshihet magjia dhe kundërshtimi…
Një degëz copëtuar nga pritja,
më mallëngjen
dhe më vadit sytë me lyrë drite.
Ato pemë,
më pëshpërisin magjinë e një flirti,
brënda një ngjyre…
Po vij për nje puthje vajza-mimoza.
Këpucët po lidh,
ku njëra lidhëse më mbeti në dorë
nga nxitimi.
Mimozat në verë,
mbeten pemët më erotike,
që blerojnë stinët dhe plakjen time.
Lule…, mëkatuar bukurive…!