Lapërdharët,spitullaqet dhe dudumët e Parlamentit.
Prozë Poetike
(Alegori)
Vetëm"Gjëmbi i Murrizit"/
do bëjë derman .Në një katrahurë të tillë/
në një kallahan! Ai shefi,ai faxiu/Ai tjetri ogurzi/
Të tre me një take-fap/
Vijnë prapë në ujdi/Që të tre një pirosti/
Si e Zeza në të Zi ,/
Gravura nga e kaluara/Të grivër si asnjeri/
As të kuq as të verdhë/
Zgjidhin problemet,me një të rënë te lapsit/
Sic duan vetë!/
Si me Krisht ,si me Muhamet/
Largpamësi i këtij vendi bën VKMra/.
Që bien erë si mbeturina të pëgëra,Firma e tij, një zhgarravinë /Që çdo ditë nënshkruan
arratinë! Shihni si ikin shqiptarët /Ikin nga uria,kërcasin dhëmbët/Ikin pa ditur se ku,ikin
nga sytë këmbët!/Të gjithë vjedhin nëpërmjet Hoteleri-Turizmit/Nëpërmjet xhepit,
nëpërmjet krimit!Erdhi një i çmëndur nga Parisi/O Zot,se kishim pandehur, Shqiptarët i
arratisi/Erdhi si kec kenash ,si cpurdhjak /Pa u rrit u rrotullua ,u mbush, u bë
rrumbullakë/Pa zorrë të trashë,pa stomak/Mballoset në darkë, në mëngjes të dhjetë në
prak! /Dhe pushteti mburret me rritje ekonomike /Pa ekonomi e pa edukim ,pa kushte
jetike/Krimi si lumë vërshon rrugëve /Një erë gjaku të vjen hundëve/Shkroi Zhyl Verni "Dy
vjet pushime", ku çdo ditë ishte me aventura të këndshme e plot gëzime ,këtu çdo ditë me
plot hajdutë e krime!Oh e këndshmja aventurë , ndërsa ditët shqiptare, ditë torture,o vëlla!
Me remitancat e emigrantëve mburret pushteti,se kështu me atë i mbushet buxheti.Një
shtet në borxhe i mbytur, një shtet i venitur ,i drobitur ! E shihni bunker Soro Sorollopin ?E
kini lexuar "Zgjimin e Nebi Surrelit"të Dhimitër Xhuvanit ? Është zgjuar edhe i biri i Sorollop
Shejtanit! Kush e pruri këtë shejtan .Thonë gojëdhënat se shejtani ka qenë çifut.Duhet të
jesh shumë më i zgjuar se ai, siç thonë të parët tanë,"ta fut"; me të dy duar,pa parë e pa
dëgjuar . Mallkuar qoftë ai që na e pruri,në Xhehenem vaftë ! Hallall e pastë Ai që do ta
shporrë,në Parajsë u prehtë në paqë! Shihni Parlamentin, copë-copë ,rrumpallë; tani 140
burra budallë;po e dini se çbëjnë këta ?Rrinë si mumje në sallë! Burra me plëndës e berqe
përpara,me buzëqeshje të ngrirë me tru të thara! Gratë elegante ,spitullaqe, të dëshiruara
për ca meze të rralla,po shumë të kërkuara ! Kokën sa një shinik,barkun sa një talër;i njeh
populli si kalin e balër .Del Surreliu me Ahmetllinë , të çajnë "bidonin"me komedira;i njëjti
avaz me skena të ndyra: bëjnë qejf barkderrat ,me xerqe të fryra ! Më tej nga Pallati i
Mafiozëve vjen një jehonë e studentëve të shkatërruar :"Allalla ,o rrezil e katil,allalla!
Shtroni udhët me hithr e me shtok,turfanda;
Gumëzhit,o zinxhir o kamçik,batërma ;
Lehni laro,kaba:Hosanna Barabba!
Studentët vazhdonin të bërtisnin, të shanin në mënyrë të shfrenuar ,pasi këta bashkë me
popullin ishin të irrituar shumë nga i Pari i Qeverisë ,se jo vetëm ditën, por edhe natën në
gjumë u delte me shallvare,dhe të varfërit i tallte me komedira e karnavale :
Stërnip i Kainit ,tepdil si bari,
Ti na shtyp e na shtrydh e ti gjakun na pi;
Ti na ther e na grin e për qejf na bën fli:
O kukuth e lubi : Hosanna,Barabba!Mirëpo kukudhi u zbut atë ditë,i qorrollepsi me disa
shpjegime absurde e lojëra fjalësh,u premtoi sa të ikte dhe pastaj nuk u pa më.Dikush
tha:Iku ai nuk vjen më shallvarexhiu :Prit Bilon ,kur të puthet me Milon ! Shyqyr zotit,që
deputetët i kemi të zgjedhur ,"të zgjedhur" , të paudhë të Kuvendit të
Pjacës;kuaj,gomarë,mushka e pela të rracës !Gjejnë strehë në politikën e jashtme, për t'u
fshehur nga planet e mbrapshme !Shyqyr që doli Putana me një Llavrak, që iu poftisën
Ukrainës në prak! E keni futur popullin në strehim, të uriturit çdo ditë bëjnë marrshim !
Shëndetësia për tokë, për ibret, vetë e sëmurë e pashëruar , për sot e për shumë vjet!
Open Ballkan vjen vërdallë, atë të pasmen ta çanë ! Sa të jetë Lala Gjoni;hani pini dhe
këndoni;kur të ngordhë Lala Gjoni ;rruani mjekrat e shkoni !Parlamenti ka shumë
mjekërroshë të përkorë,cjep shitul e desh përçorë !Nuk zutë mënd, milet,o hajvanë me
rroba ,, që këta ju gënjejnë për të marrë vota?Që i kthejnë krahët dhe pastaj:Qaj o e mjera
Shqipëri qaj!Qeverisej nga shkopinj të thatë ;ca të shkurtër,ca Mark Shalgjatë; njëri ngjan
me Don Kishotin , tjetri me ceken;aty puthen e nduken ,aty shahen e rreken !Ramë,more
ramë,e dimë që ramë;thyem kokë e thyem kamë!Prit se dardhat , bishtin pas,e kanë!Tre
hajvanë, bredhin hergjele, mbi kurrizin shqiptar ; të tre një pirosti; si e Zeza më të Zi ;o kuaj
të grivër ,-çurudi ;kuaj dhe mushka kërraçe ; që pa samarë doni të bridhni ,dhe të tjerëve
doni t'ua vini; t'i ngarkoni ditë e natë; t'i lini argatë.Pastaj t'i shtrydhni dhe me një shqelm
bythëve , t'u thoni"ik pirdhuni !"
Shikojini si janë bërë .Ca me mjekër,ca bardhoshë;ca të urtë,ca sarahoshë.Të Parin e tyre
imitojnë! Ca me mustaqe miu!Po pse duken kaq shëmtuar këta
gjysëmpriftërinj ,gjysëmhoxhallarë . Gratë e tyre murgesha të këndshme nuk punojnë ;në
hije vegjetojnë.U punojnë burrat shërbëtorët.Rroga e tyre sa për dy-tre-katër...e kush e di
se sa pensione .U kënaqën orekset ,shijet dhe tekat këtyre grave kanakare.Ndërsa burrat
zevzekulë tallen me popullin e mjerë !Po si s'u ngrenë njëherë,po si s'u kujtuan njëherë të
hedhin nga pesë lekë për ca sakatë,pleq,fëmijë jetimë e të mjerë?Phu! Thefshi qafën e
mos bëfshi Hair e Prokopi asnjëherë! Jezitër të Shamit!Jezitër të Aliut ! Jezitër të
Mavijesë !Që, me të urtët , mos bëfshin pjesë!Çdo të enjte me bujë të madhe ,vishen e
ngjishen !Ngrihen me përtesë ,pasi fërkohen e ëmbëlsohen! Dhe shkojnë e futen në
KOTEC! Koteci ka një Kokosh dhe një Kokoshare !Kokoshi ,xerk-rjepur prapa Kokoshares
rri ,Kokosharja- pulë poshtë Kokoshit rri! Dhe fillojnë ,a të keqen ,të kakarisin pulat,dhe
fillojnë, a të keqen, të gargarisin kokosharët ! Në vënd që hallet e popullit të qajnë,njëri
tjetrin zënë e shajnë .Dy veta na i bënë peshqesh, që nga koha e komunizmit ,merhumi
Ramiz na i pruri .Një nga Veriu e tejtrin nga Jugu .I pari ,malok e kokë maloku,vet e mbajti
dhe vet e mba ende.I dyti babëlok e kokë babëloku,nga Jugu.Por këtë e hëngrën dy
kulishër, kur i rritën që u bënë qënër . Njëri dukej i qetë,thatanik,por shumë cinik,i mori
kopenë .Ahere mjekërroshi i vjetër i la shëndenë,iku si emigrant.Tjetri bëri kope më vete,
duke mbledhur zevzekët.Tani është bërë qesharak dhe ngjan me atë Ceken,atje në Berat!
Tjetri përpiqet me pak mjekër dhe andej nga balli, të duket si Ismail Qemali !Vetëm maloku
s'tundet nga istikami.Këta tre kuaj gërdhuqë ,vanë tridhjetë e ca vjet që shijnë mbi kurrizin
e popullit shqiptar !
Kjo është demokracia komuniste,ose komunizmi demokratik shqiptar .
A do vijë dita kur këta zagarë, të japin llogari lakuriq,para popullit shqiptar?! Shpresojmë,
të rrojmë, të shomë!
Post Skriptum
-Lapërdharë-Që llap me fjalë të ndyra, të pakulturuara.
-Spitullaqe -Gra llafazane që vishen e lyhen për tu dukur .
-Dudum a)Njeri i urtë që as ndez,as shuan.b)Shejtanbudalla.
