LAJME SHKURT – 08 Prill 2020


LAJME SHKURT – 08 Prill 2020

Covid -19 në Londër dhe MB

Tashmë shifrat e fundit tregojnë se tani ka 13,378 raste të konfirmuara të Covid-19 në kryeqytet, nga 12,636 një ditë më parë. Në të gjithë Mbretërinë e Bashkuar, tani ka më shumë se 55,000 raste të konfirmuara. Deri më tani, një total prej 6159 njerëz kanë vdekur në MB dhe numri i përgjithshëm i jetës së humbur në Londër tani ka arritur në 1.577. Shifrat e publikuara nga NHS tregojnë se Brent është bashkia në Londër me rastet më të konfirmuara (819). Zona me sasinë më të vogël të rasteve është Kingston upon Thames me 199.

Mjeku Adi Fandi në “Opinion”


Mjeku i spitalit të Kingston në Londër, Adi Fandi, i cili fitoi luftën me sëmundjen pandemike ditët e fundit, ishte mbrëmë sikurse e kishim njoftuar, në lidhje me “Skype” në emisionin “Opinion” të gazetarit të mirënjohur Blendi Fevziu në TV “Klan”.






Covid – 19 dhe komuniteti


Para disa ditësh inxhinieri i mirënjohur dhe specialisti i satelitëve Gëzim Ethemi u shtrua në spital me një përkeqësim të gjëndjes së tij shëndetësore. Qëndrimi zgjati disa ditë dhe ai tashmë gëzon shëndet të plotë pranë familjes së tij të dashur.







Covid -19 dhe shqiptarët në SHBA


Të paktën nëntë persona të komunitetit shqiptar kanë humbur jetët e tyre në SHBA duke luftuar me jetën nga infeksioni pandemic i Covid – 19. Ambasadorja e Shqipërisë në SHBA, Floreta Faber ka thënë se 3 prej tyre janë nga Shqipëria, 4 nga Maqedonia e Veriut dhe 2 nga Mali i Zi.







Arti dhe imagjinata me Covid -19


Duket se një numër njerëzish janë duke provuar gjëra të reja për të ndihmuar të kalojnë tërë kohën në shtëpi gjatë pandemisë COVID-19. Shembulli është nga një grua që po krijon vetë, në formën e mozaikut, duke shfrytëzuar copa qelqi të thyera dhe pllaka në forma lulesh. "Unë mendoj se mozaikët janë pak si ne. Ata janë copa të vogla që bashkohen," thotë ajo. Prandaj e ka titulluar me një simbolikë: “Thyeje po ta mbajti!”

Fotografi për Covid -19


Në Oxford Street nuk ka më zhurmë të zakonshme. Pak autobuzë dhe disa makina që kërkojnë udhën e lehtë drejt destinacionit të lejuar. Por arti i fotografisë kërkon të zhbirojë në qetësi, të krijojë më pak stres për kohën në izolim. Me një tematikë të tillë po fiksoheshin dhe këto foto që kishin tematikën larg stresit dhe dhimbjes.


Kohë për qetësi dhe mendim pozitiv

Qëndro në shtëpi dhe zbato rregullat, por mendo edhe pozitivitet. Ditët dhe javët ndoshta do të kalojnë shpejt dhe jeta do të jetë përsëri në normalitet. Ulu diku dhe imagjono … imagjino për të nesërmen më të bukur.

60 views

Shkrimet e fundit