Kushtuar qytetit tim te dashur, Beratit


VLASH DROBONIKU

MALL, DASHURI, LARGËSI

Kushtuar qytetit tim te dashur, Beratit

* * *

Berat!

A thua jemi larg i dashur qytet?

A thua s'do shihemi më Berati im?

A mendon se çdo ditë të pres e më pret...?

Oh, ç'pyetje retorike më vjen ndër mend tani!

Çdo ditë të mendoj plot mall dhe dashuri,

Të mendoj shpesh plot ndjenjë dhe nostalgji.

Të pikturoj i madhërishmi qyteti im

Të pikturoj në largësi të paimagjinueshme kontinenti.

Ashtu si dita dhe nata këmbejnë orët mes njëra tjetrës,

Ashtu si ditët ikin, ikin në pafundësi,

Ashtu dhe pafundësia e mendimeve të mia fluturon në hapësirë,

Fluturon, për të ardhur pranë teje, Berati im.

Nga largësia e përtej oqeanit

Sa shumë përqafime malli të jap.