KURTHI DINAK


Vullnet Mato


KURTHI DINAK

(Tregim nga ngjarje e dokumentuar)


Gjeneral Telini nxori nga xhepi i xhaketës ushtarake një grusht monedha argjendi dhe i vërviti mbi turmën e fëmijëve kureshtar të grumbulluar rreth tij. Ata u turrën si pulat e uritura mbi kokrrat e misrit, duke shtyrë njeri - tjetrin me sharje fjalësh të rëndomta, kush të rrëmbente më shumë.

- Senjor, Ambrucio, më thoni në ç’gjuhë flasin?- pyeti sakaq gjeneral Telini përkthyesin e tij, një italian që zotëronte mirë tre gjuhë ballkanike.

-Flasin shqip, zoti gjeneral, - iu përgjigj përkthyesi.

-Okej, ky fshat këtu është tokë shqiptare, shënojeni në hartë!- urdhëroi sekretarin e tij, kapitenin Frenk de Limperani dhe ndihmësin major Bonacini, bashkë me tre komisionarët e tjerë.

-Jo, në asnjë mënyrë, - kërceu nënkoloneli grek, Boçaris, duke tundur përveç dorës edhe barkun voluminoz nga brofja përpjetë, - Ky është fshat grek prej shekujsh, ja, dëgjoni atje tej si brohorasin burrat e fshatit! “Zito Eladha!”...

-Atëherë, si është e mundur, bijtë e tyre ta flasin gjuhën e nënës në shqip?- iu kthye gjeneral Telini, duke nënqeshur me qesëndi.

Nënkoloneli Boçaris shfry u bulçitë me zemërim.

- Dëgjoni këtu gjeneral, Telini, ju jeni shumë i mençur dhe po aq trim, sa aty në Korçë, krejt i vetëm i flakët përjashta pesëdhjetë andartët grekë që u futën brenda ndërtesës ku punonte komisioni. Edhe këtu gjithashtu po i shpërfillni thirrjet e gjithë këtyre fshatarëve që brohorasin për Greqinë e lashtë... Por duhet të dini, se dinakëria jonë ka qenë e do të jetë gjithmonë, shumë herë më e fuqishme se trimëria juaj dhe e atyre shqiptarëve që po merrni në mbrojtje...

Gjenerali e kundroi nënkolonelin ma habi dhe njëherësh me përçmim, për presionin kërcënues të hapur.

- Ju, nënkolonel Boçaris, mund ëndërroni të bëni gjithçka, nga dinakëritë e njohura greke, qysh nga Kali i Trojës. Por unë ndodhem këtu i caktuar nga Lidhja e Kombeve, si kryetar i komisionit ndërkombëtar, të vendos drejtësi në kufijtë e Ballkanit. Jo të gatuaj lakra turli për të ngrënë ata që brohorasin të paguar për interesat tuaja nacionaliste.

Sakaq prefekti Follorinës, avokat Modhi, heshti i zënë ngusht, kurse majori shqiptar Bajram Fevziu dhe prefekti i Korçës Dhimitër Berati, luhatën kryet në shenjë miratimi duke, bërë shënimet përkatëse në hartat e pastra.

Të gjithë ata ushtarakë të lartë të komisionit, ngjanin si turmë liliputësh, përpar