KUJTIME TË EJUP MITËS PËR BARDHI BEGËN
Nga Luan Çipi
Ishim edhe sot, me Ejup Mitën në takim:
“Mbrëmë në ëndër u shfaq Bardhi Bega”
Ai po nis të flasi me ngashërim:
“U zgjova në llahtar, si i rrënë nga dega”.
E kishim pranë në një stol çdo ditë,
Po “Kovidi” i flamosur na i grabiti
Shokun e të jetës, të dashur, plot dritë,
Mjedisin me lotë e me dhimbje e mbyti.
E kam njohur fëmijë, qysh në lindje.
Isha moshatar me burazerin, Agjahun,
Ndaj mendoj dhe e them me bindje,
I desha ata, si motrën dhe vllaun.
Kaluam vitet e para në një fshat,
Në Gumenicën e ndjerë e të lashtë,
U njohëm me halle e derte gjatë,
Përlyem duar e këmbë në baltë.
Së bashku dhe në Teknikumin Bujqësor,
Po jeta sërish më pranë na afroi,
Në të njëjtin front: Te “Ullishtja” në Vlorë
Bardhi Bega me mua punoi.
Kjo natë pa gjumë më zgjoj shumë kujtime
Për Bardhi Begën e urtë e të ditur,
Për burrin e pashëm, me sqimë e nderime,
Gjithnjë buzagaz me pleq e të mitur.
Vlorë, më 20 Shtator 2021
