top of page

KOHË LUFTE


Noke Abilekaj

KOHË LUFTE ...................................................................... Luftën e shpalli pëllumbi i bardhë

Si përherë, pëllumbi i bardhë e shpalli luftën, tek, i hutuar nga vegimi i lirisë, shkeli në fushëpamjen e maces.


Paskëtaj, u kthjellua tabloja e paqes, pushtues puplaborë nuk kishte më, kthetrat e përgjakura të mackës u strukën brenda putrave të buta. Me dy eshtra shpendi dhe një shpirt maceje midis dhëmbëve, teposhtë çapitej qeni i pafajshëm, viktimë e rrethanave, vetëm dhëmbët përdori.


U stolis me pupla lodërtare ajri i qashtër. brohoritjet shpërthyen nga gjokset e fëmijëve duke fluturuar pas balonave festive që braktisën trupin e luftënxitësit pendëbardhë.


E meritoi pëllumbi, shpallës i luftës ishte derisa zbriti në fushëpamjen e maces.

42 views3 comments

3 Comments


sotir.mimi
sotir.mimi
Feb 28, 2022

Xingografia:

Kjo poezi tejet e menduar mbart një kuptim të fshehur sa moral, po aq edhe politik. Stigmatizimi me qen e mace, gjithsesi është një tjetër gjetje./ Xing.

Like

Një alegori e denjë për kohën që jetojmë - përjetojmë dhe përvajtojmë, por dhe për një poet përherë e më qëmtues në artin e tij prej mblatësi elitar siç është Abilekaj! Përshëndetje!

Faleminderit Fjala e Lirë që na e sollët për lexim. Respekt e shëndet për të gjithë të nderuarit!

Like

Nje poezi pak e veshtire, por e shkruar bukur artistikisht. Emocionale, simbolike, e dhimbshme. Kesaj bote, s'i mjaftoi lufta e tmerrshme boterore me KOVIDIN e padukshem?

I duhej dhe pellumbi i bardhe, macja dhe qeni?

"Me dy eshtra shpendi dhe nje shpirt maceje midis dhembeve, teposhte capitej qeni i

pafajshem"...etj. Urime,suksese, me respekt dhe dashuri, Myslim Maska, Athine.

Like

Shkrimet e fundit

fjalaelireloadinggif.gif
bottom of page