![](https://static.wixstatic.com/media/a48dbc_0d8ea4887f3b4220854442553b0c7f07~mv2.jpg/v1/fill/w_197,h_189,al_c,q_80,blur_3,enc_auto/a48dbc_0d8ea4887f3b4220854442553b0c7f07~mv2.jpg)
Kjo pikturë, vepër e dëgjuar e Pieter Bruegel Ati, një nga piktorët më të mëdhenj të pikturës holandeze e flamande të Rilindjes Evropiane, paraqet vdekjen e Ikarus-it. Siç dihet nga mitologjia greke, babai i tij, Dedali, një shpikës me talent të jashtëzakonshëm, për të mundur të arratiseshin të dy nga ishulli i Kretës, ku mbreti Minos i mbante të burgosur, mendoi të ndërtonte krahë shpendi. Por Ikarusi nuk u tregua i kujdesshëm ndaj këshillave të të atit. Miti thotë se ai afrua më shumë nga ç’duhej rrezeve të ngrohta të diellit duke bërë që krahët e ngjitura me dyllë në trup të shkrijnë dhe ai të humbasë jetën. Vepra e Pieter Bruegel tregon se ndërsa ndodh kjo tragjedi për Dedalin, dy persona në pikturë vijojnë rrjedhën e jetës së tyre pa treguar as interesin më të vogël për ngjarjen. Nuk interesohen të japin as ndihmën më të vogël.
Është e vërtetë thënia se të keqen e ndien veç ai që e pëson. Por problemi nuk qëndron vetëm këtu. Ngjallin interes fjalët e Merkel, kancelares gjermane, kur thotë se diktaturën komuniste në Gjermaninë Lindore nuk e kuptuan të gjithë. Mungesa e ndjeshmërisë, si mjet për të shpëtuar njeriu në radhë të parë nga vetvetja, është një fenomen i të gjitha epokave të njerëzimit. Diçka fillon të ndryshojë vetëm kur individi me mendje të çelur fillon të zgjerojë shpirtërisht vetveten...
![](https://static.wixstatic.com/media/a48dbc_189486b51eb4482ea51c1ab13944558c~mv2.jpg/v1/fill/w_92,h_59,al_c,q_80,usm_0.66_1.00_0.01,blur_2,enc_auto/a48dbc_189486b51eb4482ea51c1ab13944558c~mv2.jpg)