![](https://static.wixstatic.com/media/a48dbc_54d1c5ef988a4550afe002374927d92a~mv2.jpg/v1/fill/w_139,h_72,al_c,q_80,usm_0.66_1.00_0.01,blur_2,enc_auto/a48dbc_54d1c5ef988a4550afe002374927d92a~mv2.jpg)
Kamp refugjatësh në Shqipëri?! Reagon Kryeministria: E pavërtetë! Nuk bëjmë detyrat e më të mëdhenjve dhe më të pasurve!
Kryeministria reagon pas lajmit të publikuar nga media prestigjioze britanike “The Sun”, ku thuhej se “emigrantët e paligjshëm do të fluturojnë 1.500 kilometra në një qendër në det të hapur në Ballkan, ndërsa kërkesat e tyre janë duke u përpunuar. Kërkesat e azilit në Mbretërinë e Bashkuar do të trajtohen sipas këtij plani, ndërsa emigrantët të qëndrojnë në Shqipëria”. Drejtori i Komunikimit në Kryeministri, Endri Fuga, mohon prerë që Shqipëria të kthehet në kamp refugjatësh për emigrantët e paligjshëm që kapen në Britani, duke e cilësuar lajmin e “The Sun” si të pavërtetë.
![](https://static.wixstatic.com/media/a48dbc_60e75b631811409aa3641abd27884601~mv2.jpg/v1/fill/w_147,h_141,al_c,q_80,usm_0.66_1.00_0.01,blur_2,enc_auto/a48dbc_60e75b631811409aa3641abd27884601~mv2.jpg)
Në një reagim në rrjetet sociale, Endri Fuga shprehet se Shqipëria bën detyrat e traditës dhe të fëmijëve të saj, por jo detyrat e atyre që janë më të mëdhenj e më të pasur.
“Lajmi se Shqipëria do të ngrejë një qendër azilantësh për llogari të palëve të treta është absolutisht i pavërtetë. Shqipëria hapi dyert për 4 mijë afganë e jemi krenarë për këtë. Ne bëjmë detyrat tona karshi traditës e fëmijëve tanë, jo detyrat e atyre që janë më të mëdhenj e më të pasur se ne”, shkruan Endri Fuga.