top of page

Kërkojnë fole dallëndyshet


Kërkojnë fole dallëndyshet

Fatmir Terziu


Të përhumbura

akoma janë të njëjtat hije perle si qielli im

të njëjtat urtësi si bletët e trëndafilave në maj

po ato piklat e vesës çukiten me sqep

të përhumbura nga unë

mendoj se mbase

ende jam në gjumë. Më zgjuat

duhet të kisha ardhur në shtëpi më herët

tani po mendoj se mbase, foleja nuk jam unë

nuk mund t'i përkas për një kohë të gjatë

por këtu unë qëndroj në karantinë si të tjerët

këtu unë banoj dhe asnjë lot nuk do të më kthejë,

të jem foleja juaj.

Unë jam e njëjta hije gri si qielli i huaj

jam njësoj si shiu që sillni mbi lulet

i përhumbur nga Ju

koha mund të jetë pluhurosur në lëkurën time

akoma është pranverë këtu,

si qielli është edhe qyteti

kështu që unë jam në tokë

pra jam edhe në brigje deti,

kështu që unë jam në pemë

kështu që unë jam i përhumbur pa Ju,

mos u lodhni të më gjeni,

unë jam akoma aq i përhumbur

nga Ju këtu.

Po Ju ku jeni strukur?

Po Ju prisni, prisni të bekojmë folenë e duhur.

48 views4 comments

4 Comments


Perparim Hysi

Radarët e një POETI me vlerë si FATMIR TERZIU nuk kanë si mos kthejnë në vargje këtë zok që sjell pranverën:manushaqa nga lulet dhe dallëndyshaj nga zogjtë! Urime,POET!

Like

Eglantina Mandia

Mergimtari,poetet e rilindjes kombetare,i dhane shpirt fjales,shqip urime pasardhes.

Like

Dhimitri Pojanaku

Tepër e ndjerë. Matafora që bëjnë brenda mesazhe kaq të fuqishme. VARGU I NGJAN TELIT KU ÇLODHEN DALLËNDYSHET...

Like

Minush Hoxha

Hap pas hapi, ditë pas dite, tek po tejkalon dhe kohërat e nënqiellit, z. Terziu, po i avitet lexuesit me një leksik poetik, me një ritem e notë poetike, gjithësesi dhe më fabulen poetike. Po zvogëlon distancen me lexuesin dhe nga poet i respektuar, po bëhet poet i dashur.

Like

Shkrimet e fundit

fjalaelireloadinggif.gif
bottom of page