top of page

KËNGË PLEQËRISHTE


Agron Tufa

Ç'melodi e fshehtë rrëshket nën lëkurë...! Vasha bëhet grua; djali bëhet burrë; Vala e shtyn valën saktësisht nën urë...


Përreth bien rreshje, sikur mbajnë taktin

E gjakut që plaket. Nuk ia kam më vaktin Flakës që djeg tok t’njomin me të thatin.


Një nevojë a urdhër më shkund hera-herë, Të brof i tromaksur, mos troket në derë

Ajo, që të lë këmbë e duar prerë.


Por... i kotë paniku. Veç ankthi që mbyt Valë-valë përhapet, shuket lëmsh në fyt; Prore veshcurrekë, duket, më gatit


Mos kapem gafil, kuk, në befasi, Por të jem pupël, që pluskon n'ajri Pa iu rëndur kujt, pa më parë njeri.


Ç'melodi e fshehtë rrëshket nën lëkurë... Gruaja bëhet plakë, plaku bëhet urë Mbi lumin që shterr. Nuk ka rrjedhur kurrë!

58 views1 comment

1 commentaire


I NDERUAR Z.TUFA!

Me befasuat me poezine tuaj. Lirike e thjeshte, brilante, jetesore, thellesisht filosofike dhe origjinale per ecurine e jetes...Na duhet bukuria e dhimbshme si koncept i vazhdimesise...

Urime, suksese. Myslim maska , shkrimtar, poet, Athine.

J'aime

Shkrimet e fundit

fjalaelireloadinggif.gif
bottom of page