![](https://static.wixstatic.com/media/a48dbc_9b475b16889f47b7861e3d64c8f9ef5c~mv2.jpeg/v1/fill/w_56,h_56,al_c,q_80,usm_0.66_1.00_0.01,blur_2,enc_auto/a48dbc_9b475b16889f47b7861e3d64c8f9ef5c~mv2.jpeg)
Ç'melodi e fshehtë rrëshket nën lëkurë...! Vasha bëhet grua; djali bëhet burrë; Vala e shtyn valën saktësisht nën urë...
Përreth bien rreshje, sikur mbajnë taktin
E gjakut që plaket. Nuk ia kam më vaktin Flakës që djeg tok t’njomin me të thatin.
Një nevojë a urdhër më shkund hera-herë, Të brof i tromaksur, mos troket në derë
Ajo, që të lë këmbë e duar prerë.
Por... i kotë paniku. Veç ankthi që mbyt Valë-valë përhapet, shuket lëmsh në fyt; Prore veshcurrekë, duket, më gatit
Mos kapem gafil, kuk, në befasi, Por të jem pupël, që pluskon n'ajri Pa iu rëndur kujt, pa më parë njeri.
Ç'melodi e fshehtë rrëshket nën lëkurë... Gruaja bëhet plakë, plaku bëhet urë Mbi lumin që shterr. Nuk ka rrjedhur kurrë!