JA PSE SHKRUAJ NDONJË VJERSHË


Thani Naqo, poet, shkrimtar

JA PSE SHKRUAJ NDONJË VJERSHË

Mos u trishto. S' jam i vetmi burrë,

humbas e tretem edhe unë mes vargjesh.

Muza është stuhi e bujë,

dashuri e ujvarë pragjesh.

Mos u trishto. Përjetoj çdo stinë,

përzjej barin me yllëzime.

Fshehurazi teje thurr ndonjë trill,

dashuria belbëzon e me trillime...

Mos u trishto. Në ik larg teje,

s’jam i vetmi që jap fjalën e kthimit.

Kur shkrepëtin hyj mes dy reve,

jam gjethe që s'kalbem sado i gjatë dimri.

Mos u trishto. Ka rrugë prej ajri,

rrugë të ujshme, me akull e borë.

Por unë, (s'kam frikë!), i grah e një kali,

mjafton të mbrrij edhe natën vonë.

Mos u trishto. Rrugëve që kam grahur,

dashurinë s'ma ftohu er' e acar.

Më shumë, se cilëndo, ty të kam dashur,

prandaj s’mungoj! Mos mbetesh imazh!…

19 views0 comments

Shkrimet e fundit

fjalaelireloadinggif.gif