ILIRIANËS
Ti, dashurisë,
Në çdo zgjim i mbrun një fuli*.
Çdo muzg e pagëzon me një emër të ri,
Që padyshim fillon dhe mbaron me “I”.
Mbrëmjeve çel burimet e zemrës
dhe çdo tokësor që has në rrugë
e spërkat me Muzë!
Pastaj, çdo natë bie të flesh e dehur:
“Me një gotë musht poetësh...”
*Fuli – Ëmbëlsirë elbasanase që gatuhet me rastin e lindjes së një fëmije dhe vendosjes së emrit.
©Klejda Plangarica
