Esat Braçe modeli i një situate të tillë
Dr Fatmir Terziu
Edhe pse ndodhet në frontin e parë të luftës kundër Covid – 19-të, aktivisti, drejtuesi i shoqatës shqiptare tashmë të mirënjohur, “Nënë Tereza” në Britani të Madhe vazhdon të jetë i gatshëm të dërgojë ndihma në ushqime e mjete të tjera për disa familje në nevojë të komunitetit shqiptar në Londër. Esat Braçe kështu është bërë një nga protagonistët e inisiativës që ai delegoi në mesin e disa shoqatave “Ndihmo edhe Ti”. Me këtë moto ai dhe mjaft të tjerë që ai ka kontakt, po ashtu dhe disa drejtues shoqatash janë bërë palë e një veprimi mjaft human.
Dhe ndjehesh mirë kur lexon në një komunikim të tillë: “Lista për 20 familje u plotësua për të marë ndihmat nesër”. Dhe ai shkruan: “Secili nga Ju, në qoftë se njeh ndonjë familje më dërgoni njoftim. Në privat ju lutem: Emri dhe mbiemri, adresa dhe telefoni.”
Shembulli i Esat Braçes është dhe një inspirim për mjaft komunitete të tjera. Dhe njoftimi nga kjo shoqatë vjen si më poshtë: “Çdo të Martë dhe të Enjte shpërndajmë ushqime falas për të gjithë ato që kanë nevojë. Ju lutemi të gjitha familjeve që kanë nevojë për ndihmë ekonomike (ushqime) të kontaktojnë stafin e Shoqatës Nene Tereza ne inbox ose mua personalisht ne inbox
Nene Tereza mbeshtete dhe gjendet prane cdo familjeve shqiptare “Nënë Tereza” në Britani të Madhe në këto momente kritike të epidemisë Covid – 19. Deri tani kemi ndihmuar më shumë se 50 familje me ushqime.” Ju lutemi ato që kanë nevojë të dergoni adresat në privat.
1. Emri Mbiemri
2 . Adresa
3. Nr i telefonit
Stafi i “Nënë Tereza” në Britani të Madhe
