![](https://static.wixstatic.com/media/a48dbc_005a4715dbfd4dd5917dc2a0980ebbfa~mv2.png/v1/fill/w_49,h_49,al_c,q_85,usm_0.66_1.00_0.01,blur_2,enc_auto/a48dbc_005a4715dbfd4dd5917dc2a0980ebbfa~mv2.png)
DUKE SHЁTITUR NЁ QILIMIN PREJ GURI…
- Qyteti i Gjirokastrёs ngjan si yll qё ndricon nё
supin e maleve plot kёngё, si njё qilim i veshur
me kalldrёm shumёngjyrёshe gurёsh radhe-radhe…
……………………………………………….NGA SPASSE THANASI
Gjirokastra kacavjerrur nё faqen e malit
Nuk shqitet qё aty sikur qameti tё bёhet
Bregu i lartё pёrbri Grihatit
Pёrcjell castin e lumtur gjithё krenari
Tek kullat e larta tё Kёshtjellёs
Me teqe tё vetmuar rrethuar me qeparisa…
Lagjet, pёrrenjtё dhe urat qё lidhin pjesёt e qytetit
Lёshojnё mallin prej majёs sё Malit tё Gjerё
Fluturojnё kohrave duke shёndritur e vezulluar
Rrezet e diellit si para argjendi hedhur nё qiell…
Sfond gurёsh i qendisur
Nё pёlhurё rrugёsh tё pjerrёt
Nё sheshin e Pazarit plot ngjyrime
Peizazhet bёjnё heshtur serenata dashurie !...
Frymon bukuria
Me pirgje tё mjegullёs mijёvjecare
“Gostia e yjeve” nё sytё e mi ka
Agimet e shekullit nё trokitjen e qytetёrimit…
Nёn petkun e “traditёs sё dikurshme”
Bukuria e peizazhit me “dashuri tё dehura”
Sjell nёn dritёn e praruar tё hёnёs
Lёvizje universale nё “lёmin” qё mbёshtjell rruzullin!...