DJE IKU …

DJE IKU …

Nga Fatmir Terziu

Dje ai iku në botën e verbër

në heshtjen e tij që u kacafyt

brenda verbërisë funebër

iku, se do të ikte një ditë.

Qyteti nuk këputi asnjë lule

nuk bëri arkivol të shtrenjtë

askush nuk bëri ndonjë kuje

thjesht u varros në një vend.

Nuk u mbajtën për të fjalime

nuk i hapën dyert e tyre kishat,

hoxha nuk u lut as i dha bekime

thjesht u varros aty tek pishat.

Ai mbërriti aty ku fle vdekja

kur u zgjuan dashnoret e tij

në motele ishte vetëm lemza

mallkonte për vonesën e tij.