City i Guardiolës e mposht PSG-n, kalon në finalen e Championsit


Manchester City është finalisti i parë në këtë edicion në Champions League. Skuadra e Pep Guardiolës fitoi pastër 2-0 sfidën e kthimit, duke u kualifikuar me rezultat të përgjithshëm 4-1.

Goli i parë do të vinte që në minutën e 11-të. Pas një aksioni të gjatë, De Bruyne godet në hyrje të zonës, por ndalet nga mbrojtja vendase, më pas topi shkon te Mahrez, që e ka të thjeshtë për ta dërguar në kuadrat.

Në fillimin e fraksionit të dytë Foden humbi një shans të artë përballë Keylor Navas, por në minutën e 63-të do të shërbente asistin në golin e Mahrez, i cili shënoi golin e dytë personal dhe të tretin në dy ndeshjet.

Në minutën e 69-të, PSG mbeti me një lojtar më pak për shkak të një ndërhyrje anti-sportive të Di Marias, duke shuar shpresat për ekipin parisien. Deri në fund rezultati nuk do të ndryshonte, teksa City shkon e qetë për në finalen e Stambollit.

13 views0 comments

Shkrimet e fundit

fjalaelireloadinggif.gif