Bletët e Kaltra


Adem Zaplluzha

haiku: Bletët e Kaltra

57.

Kur ishim të vegjël

Në sqepat e pëllumbave

Mbillnim aguliçe

58.

Një zot e di

Nga e marrin lulenuset

Aromën delikate

59.

Unë s’isha askund

Kur nga mjegullat

Si kardinalë zbritën narcisët

60.

Nuk është çudi

Nëse në brendinë e pasqyrës

Mbinë trëndafilat

61.

Nëse s’lind dielli

S’është e domosdoshme

Të abortojë qielli

62.

Ti s’paske të dytë

Ua merr bukurinë

Të gjitha luleve

63.

Hiç më larg se dje

Në rrënjët e zambakëve

Takova hijen time

64.

Kur i humba

Shqisat e të nuhaturit

Eliksirin e gjeta te lulet

65.

Nëse vonohet pranvera

Prapëseprapë

Çelin zambakët e Prizrenit

66.

Në ballkon

Çelin zymbylat

Gjemba trëndafilash të egra

67.

Nga ferri i luftës

Doli pëllumb

Me një gjethe dafine

25 views

Shkrimet e fundit