Ajo pikë…

Nga Fatmir Terziu

Ajo pikë është rojtari i çelësave

vendos atë që nuk mund të vendoset për ne.

Njeriu ka vullnet të lirë,

por ajo pikë e bën të duket joreale

thjesht e paarritshme.

Vështirë të kënaqesh,

sepse ajo pikë është më e thukët,

sesa të pikosh një pikë cënueshmërie.

Por ka diçka për një rrugë ndryshe,

që të jep aftësinë

të kthesh lentet në diçka që i kanalizon të gjitha,

në diçka më të thellë

që ajo pikë nuk mund ta prekë:

Arti…,

…arti im është forca ime, edhe nëse është thjesht art

dobësia ime rrjedh si një det i hapur i malluar

rradhon flokët me një ajër që është i kripur lart

mund të më prekësh vetëm kur të mos jem i zgjuar.

Unë kam art. Art nga ajo pikë e tretur!

Art që rrjedh nëpër mua

dhe majat e flokëve të mi që më kanë mbetur.

Unë dua të gjej një mënyrë për ta mbajtur atë gjendje shpirtërore

deri atëherë do të vazhdoj të ndjek lartësinë e përpiktë

i pafjetur…

në atë pikë.