360 gradë me varg


360 gradë me varg

360 gradë me varg


Nga Fatmir Terziu


Fjala

Dhe Ti e ndjek

filtrin e ajrit që bekon të qarën e parë

si një Perlë

nga një farë.

Ecja

Qenkan mbledhur sytë në një pikë

mbledhin

lotët në zgjim të jetës në rrugëtim

mallkojnë syrin e keq

besomë,

kjo është ende një ecje që heq

vallen e jetës sonë.

Rritja

Gishtat rrëmbejnë tinëz substancën e qejfit

në sytë e përskuqur

zbresin e bëhen njësh rrezet e Diellit.

E kuptojmë nga larg

rritjen

kur mbledhim me sy gjethet e rëna në park.

Musht

Në të gjitha stinët

pa i lodhur aritmetikisht sekondat,

minutat, orët, ditët, netët, javët, muajt, vitet,

brenda një trupi të prushtë

gjithnjë ka një melhem që thëritet

Musht.

Mjalt

Në sytë e jetës

pikturohen bletë punëtore

të gjitha ëmbëlsohen si hoje të bekuara të fatit

por, gjithnjë brenda tyre

më i ëmbël mbetet mjalti i mjaltit.

Zverdhje

Dehen të gjithë

ngjashëm

me fjalën e vënë në mendje e në buzë

pak mbeten të zverdhur në jetë

me një mendim

brenda një bote ku gatuhet art i qetë

sikurse poeti antik Nedim.

Këtu brenda makinave që tështijnë ditën

peshqit brenda qelqit bëjnë paradë

nuk e dinë se të dehur fikin dritën

në errësirë zhyten ngadalë.

Shënim: Nedim (1681-1730) Poet turk i “Mosha e tulipanëve”.

Gozhda

E kërkoj një të tillë,

dhe s’e humb kurë,