Thinjur flokët para kohe
Tretur nga flak' e qiririt,
Hiqem zvarrë e robërohem
Zemërdjegur brenda gjirit.
I menduar mbi një gur,
Breshëron syri i shkretë,
Unë digjem, bëhem zhur,
Zbehem keq si i pajetë.
Flas me vete si i marrë,
Lotët derdh me psherētimë,
Veç s'dremis si lis i tharë
Pa fole e cicërimë
Shpresa ime nuk ka humbur
Si rreze drite të pres,
Të më bësh një ditë të lumtur,
Të më çelësh si mëngjes !
Approve
Decline