RITA DOVE
28 gusht 1952 / USA
ARS POETICA
Në tridhjet mile për në të vetmin restorant të thjeshtë
nuk kishte asgjë, një hapësirë
e lodhëshme dhe e shurdhër e Wyoming-ut.
Gjysma e rrugës e panjohur por e lodhëshme
eseisti i rëndësishëm thirri Ndal!
Edhe unë këtë desha; nisa të ec
afro pesëmbëdhjetë metra në tokë
përpara se errësira të binte ai nisi të vraponte,
i qahej Krishtit – po këtu nuk paska gjë prej gjëje!
Dikur kisha takuar një romancier në Australi
që më thoshte se kurrë nuk kishte mësuar të gatuante
sepse gatimi i rrëmbente energjinë krijuese.
Ajo çfarë dëshironte më shumë ishte
heshtja; i bënte letrat e shkruara pirg
pastaj një ditë u hynte me spatë.
Ajo çfarë dua në këtë poezi është ti bie shkurt,
një qytet fantazmë
në një hartë të madhe orjentuese.
Ju mund të merrni lapsin tim si një fajkua:
e të vini shënjën – x në vendin ku do të udhëtoni.
GJYQTARI I TETË
Shih për rreth:
magjepse gjithçka.
Pas jush,
lotë dhe errësirë.
Ec drejt shtegut
pastro flakën.
Shiko lart, ajri
po këndon:
Poshtë këmbëve të tua
hija jote
pret.
GJYQTARI I DYMBËDHJETË
përse janë trëndafilat
çfarë është dielli
kush është i pari
kush është i fundit
kush do
të na dojë ne
kush
do të na
shpëtojë
ne
Shqipëroi: K. P. Traboini
AMERICAN POETICA 2020