U njoha me portretin e Anna Frank
Tani vonë, në moshë të thyer
Vuajtur, hequr shumë, jo pak
Lotët e shpirti faqet m'i grryen.
Ajo, jetës i buzëqesh me dashuri
Dielli i shpirtit mbulon gjithçka
Gëzueshëm, ëmbël, me çiltërsi
Bisha të rrezatojë, JO nuk e la.
Portrete të tjera ka ANNA FRANG
Vrarë, përdhunuar nga cepi në cep
Të botës, në vende të ndryshme
Dihen fajtorët, s' dënohen, sa keq.
S' janë vetëm të vjetrit, nazistët
Kujtesën freskoni, kudo po mbijnë.
E njëjta sjellje si me Anna Frank
N' Çamëri, Kosovë, Siri e Ukrahinë.
Anna- ve shqiptare ua njoh portretin
Në moshë, vendlindje ndryshojnë.
Njëra e palindur, tjetra tund' te djepin
Tjetra e përdhunuar n' pus përfundoi.
Vritet lulja e jetës e bota hesht
Vritet bukuria e jetës, bota hesht
Nëna e së nesërmes, bota hesht.
Sundon çfarosja, e bota HESHT.