Sot ,më 18 maj të vitit 1048, ka lindur i Madhërishmi Omar Khajam.Këtë datë ma kujtoi miku im ,poeti brilant ,Pullumb Ahmeti në kushtimin e tij me vargjet e tij brilante .
Po e rikujtoj edhe unë poetin e Madh persian.
Mbrëmjeve prehem mbi vargjet e tua,
Nga brigje të tjera ti zë e më flet,
Për verën brusko dhe çupëzat mua,
Më bën ziliqar dhe në atë jetë.
S'paska kuptim jeta pa dashuri,
Pa kopshte e vreshta dehjesh, o mik,
Zemra drithërohet e rreh me furi,
Kur muzgjet vasha t'i çel si dritë.
Në prehër mbaj vashën dhe kupën në dorë,
Dy lulëkuqe a s'të dehin vërtetë?!
Të ulin në fron, të veshin kurorë,
Të mbytin me dhele e puthin si mbret .
Eh, dashnor i ngjyer në çupa,
Vaditur me poçen e verës Azi,
Më ndez dhe mua, " të shuarin" me kupa
Mbi varr do të vi të t' ndez një qiri .
H. Mehmetaj ,nga vëllimi poetik " Ëndrrat e trëndafilit", 1996.