NJë tufë me lirika
Nga Përparim Hysi
1. TI
Ti je e freskët si një lule në ujë
Dhe,kur qesh, të heqë vite nga supet
Kushdo që të sheh,bëhet pak rrëmujë
Se nuk i përballon dëshirat a vrullet.
Ndonjëherë, më dukesh si një"lule që ecën"
Se një lule e tillë nuk rritet në saksi
Ndaj më kap një mall i kahershëm
Sa herë që të shoh me sy.
Them,vallë mos ke ardhur nga një planet tjetër
Se mahnitet me ty kushdo që të shehë
O plaça unë që jam i vjetër!
Dhe shkaku kuptohet,përse?
2. Mahnitje
A kini parë petale të rralla trëndafilash
Nga ato që çelen,para kohe, në mars?
Pashë fytyrën tënde ornisur stolirash
Dhe, nga i mërzitur, mbushem me gas.
Si mos kesh gas nga një fytyrë-xham
Ku dora ka vepruar me finesë?
Të shoh dhe copa imixhan
Se kërkoj nga ti një "audiencë".
"Audienca" bëhet si qëllim
Që të sodisë me nge atë fytyrë
I mahnitur jam, i drobitur shpirti im
Për atë fytyrë si pasqyrë.
3. Pa titull
Mbi ballin e bukur, dy krela të zeza
Unë po jam turbull nga ngjyrat e ndezura
Trupi yt i derdhur, bërë me"porosi"
Pale gjiri i hedhur që ma bën me sy,
Seç ma bën me sy,se ka dalë çipllak
Dua gjirin ta"pi", jam i"etur" pak.
Jam i "etur" pak dhe zë"pi" sa "dehem"
Sado s'jam çunak, mu tek këmbët"shkrehem"
4. I shoh
I shoh gjinjtë e"rritur" që me thithkat përpjetë shpojnë këmishën
Dhe,sado kokëthinjur, më ndezin , si kaherë,dëshirën
T'i zë me dorë ata gjinj si të jenë bostanë (pjekur a papjekur)
Nga mosha bëhem"kërthinj" dhe marrë përpjekur.
Ti më ndjek me sy dhe hiqesh sikur nuk ke punë me mua
Po mirë ama e di që po të shoh dhe çfarë dua
Dhe"ideferente" zbërthen një komçë si me terezi
Tani unë e humba fare pusullën (se nuk kam se si?)
5. Si një dritë
Si një dritë që ndriçon shpirtin
Është buzëqeshja jote
Më gëzon mua të gjithin
Duket gëzimplote.
Kjo buzëqeshje si flladitje
Që vjen e më freskon
Se më heq çdo mërzitje
ILAÇ që shëron.
Kam nevojë për këtë"ILAÇ"
Në kohë pandemie
Se i thotë mërzitjes"plaç"
O moj mikja ime!
6. Ndrydhja e këmbës
Për X...
Një mikja ime ndrydhi këmbën
Pse dhëmb kjo këmba ime?
Më duket unë e vuaj"gjëmën"
Ta dish, o mikja ime!
Se plaga juaj më dhëmb dhe mua
Se si mund të ndihem ndryshe?
Ti e di që unë të dua
Pa si e pa qyshe?
Ta ndiej dhëmbjen që nga larg
Regëtimat "ah" dhe "oh"
Se bashkë e kemi atë plagë
Besoje një që të do.
7. Nuk jam Shenjtor!
Kurrë nuk kam thënë që jam"SHENJTOR"
Si çdo i gjallë,mund të bie në mëkat
Kalon një nga ato, të"bëra me dorë"
Dhe ,sakaq, më pushtuan"djajtë".
U turra pas saj me neps
Siç bëja,dikur, djalërisë
Sado që është paksa "punë me spec"
Tani në vërsë të pleqërisë.
U sula dhe e kërkova në"mejdan"
Sikur ajo të kish dalë për sfllatë
Tak-fap u ktheva në shejtan
Dhe rashë me të në"mëkat"
8.Kur të"zë" dashuria
A e kini vënë re,kur të "zë" dashuria?
Të duket sikur një llampë të ndizet në shpirt
Dhe aq e bukur të duket gjithësia
Sa gjithçka rreth e rrotull noton në dritë.
Rruga ku ecën të duket tjetër
Njerëzit, të gjithë, të qeshur e të gëzuar
Vetja të duket i ri,sado goxha i vjetër
Se dashuria të ka pushtuar.
Dhe dashuria për moshë nuk pyet
Është si gripi:pleqtë i mundon më shumë!
Ç'them, është provuar në jetë
Dhe një"nga viktimat" mund të jem dhe unë.
9."Moralisti"
Erdhe dhe mbajte një"leksion me virtute"
Se gjasme ke"lincecë" për të mbrojur morai
Unë e njoh të kaluarën tuaj mbushur turpe
Sado ke ndërrur lëkurë,"Moralist", je safi djall.
Bashkëshorten e ndave veç për karrierë
Se ajo e para,"nuk na kishte arsim"
Nuk ke cipë në ballë dhe asnjë fije nder
"Moralist", je përçmim!
10.Një femër
Një femër që kam përbri
Me sy më turbullon
Më ngetë si të jem "kalëdori"
Dhe frerin ma shtrëngon.
Bëj unë të marrë revan
Por fhsikulla mbi kurriz
Mezalla synë nuk ma ndan
Kurrizin "fshikulla" ma ujdis.
"Lodhem" unë, s'lodhet ajo
Se kohën e ka me pashë
Ç'më gjeti mua që obobo!
Si thoni? Të bërtas?
Tani dorëzohem (ramë në ujdi)
E ndreqëm ne,sakaq,
Pa zëmë e bëjmë dashuri
Ujdia na kënaq.
Tiranë, 28 prill 2021