GRATË SI YJET
Nga Vladimir Muça
Yjet në qiell jan si gratë,
Në shikim gjithnjë kanë mister;
Veshur si xhindet me Lëkurën e Artë
Vjedhur nga miti i Odisesë.
Gratë janë si yjet,miklojnë pa zë,
Të joshin në rrugëjetë pa mbarim;
Bota coptohet në mijëra peisazhe
Me zëra Circesh,Sirenash pelegrin.
Kur yjet shuhen një nga një
Në peisazhe qielli,pa ulërimë,
Gruaja ndezur në majë heshte
Në sy e zemër të djeg vetëtimë.
Ndonëse yjet janë si gratë
Qielli më mbetet besë e perendisë,
Dhe pse shumëherë në imagjinatë
Pushtoj gruan,pa zhurmën e mërisë.
Se gratë janë si yjet, përralltare,
Orbitave të humbin në shrate ënderrushi,
Ndonëse kryepushtete të çdo imagjinate
Në shpirt e mëndje të ulen si askushi.
Nga vëllimi"Pegasiane"