Zyhdi Dervishi: VIKTIMA TË MIRAZHEVE

Me datë 24-25 Maj 2025 në Korçë u organizua Festivali Ndërkombëtar i Autorëve (Edicioni i 29-të), Netët Korçare të Poezisë, me temë “Rreze Drite” të orientuar nga krijimtaria poetike e poetit shqiptar Aleksander Stavre Drenova (Asdreni).

Poezia ime me titull “Viktima të mirazheve” u vlerësua me çmimin “Asdreni”.

Falenderoj organizatorët e këtij festivali: Bashkinë Korçë, veçanërisht kryetarin Z. Sotiraq Filo, Bibliotekën Publike “Thimi Mitko”, veçanërisht drejtoreshën e saj Jorida Tollkuçi (Dhëmbi ) dhe Pen Albania.

Falenderoj jurinë e këtij Festivali: Entela Kasi (Kryetare) Pierre Ech-Ardour (Anëtar) Jonela Spaho (Anëtare).

VIKTIMA TË MIRAZHEVE

Të mata me lartësitë e dritshme të maleve

pa e kuptuar se Ti ishe

thellësi e errët kënete.

Më mate me thellësinë miope të kënetës

dhe nuk kuptuat se unë isha

vargmal me dritë-dinjitete.

Të dy u gremisëm viktima

të mirazheve të shumëfishuara

në vetvete.