ZOGU I NATËS

Thani Naqo

ZOGU I NATËS

baladë

Ditën fle e del natën,

Zogu i Shekullit të Pagjumë.

Çakërdisur kërkon fatin,

Në qytetin dritëshumë.

Brylmbështetur në dritare,

Ankth’ i nënës kthimin pret.

Zogu i Natës s’erdhi fare,

E kur nata u tjer krejt.

Ëndërrkeqja nëpër drurë,

Fole të zbrazëta në to sheh.

"Zogjtë e n’çuar s’kthehen ku,

ku foletë era i rreh..."

Ëndrrërkeqja ballin i mpiu,

Dalt' e ankthit thellon rudha.

Lotët nënore i ngriu,

Mpiksi dhimbjen në dy gurëza...