Nga Petrit Malushi
Vite jetojmë…
“Të moshuarit vite” në ikje, i përcjellim
Me orë, ditë, javë dhe muaj të plotësuar.
Si fëmijë të porsalindur, si lindje dielli
Të rinjtë, në ardhje i presim shpresazgjuar.
Jetojmë vite të mbushura, me ëndërrime :
T’u ngjitemi maleve maja pa shkelur,
Fushave të vrapojmë anë më anë,
Livadheve të këputim lulet sapo çelur,
Ujërrëmbyerve lumenj t’u dalim matanë…
Vite jetojmë të zbrazëta, me kujtime :
Për hapat e hedhur maleve faqethepisur,
Për ecjet e gjata fushave brazdaçarë,
Për të dëshiruarat lule këputur në të nisur,
Për kalimet në ujërat rrëmbimtarë…
Me ëndërrime e kujtime thurur pa fund :
Të tonat vite të pakthimta i ngarkojmë.
Herë të vrullshme dhe herë të qeta,
Ne brenda tyre burim që s’shterojmë.
Ritëm pandalur në to ecën jeta.
Comentarios