Visar Zhiti: Mesdita në Toronto

MESDITA NË TORONTO

Mesdita në Toronto

rrjedh nëpër xhamat e kullave të larta

si ujvarë qytetare,

                                       e kaltër, e kaltër.

Kumbimet e kambanave të Katedrales

flatrojnë rreth nesh -

                                       pëllumba flladesh.

Po kur të mbarojë shishja e verës

në tryezën tonë këtu,

                         poshtë pemëve në rrugë?

Dielli - kamarier do na i mbushë gotat

                         me dritë dëshirash të reja.

Dashuria nuk është kujtim,

të shtrëngon dorën poshtë tryezës,

       e ndjeshme si mesdita në Toronto.