Vetëm dy fjalë për dëshpërimin e Rexhep Shahut
- Prof Dr Fatmir Terziu
- Nov 24, 2021
- 2 min read
Eshref Ymeri
Në numrin e sotëm të Portalit “Fjala e Lirë”, lexova shënimin e publicistit dhe të poetit të njohur Rexhep Shahu, me titull “Gjithmonë ka pasur supe e gjokse për grada e dekorata turpi”, në të cilin ai shpreh dëshpërimin e thellë për arsye se Bashkia e Kukësit paska zhdukur nga faqja e dheut Memorialin e ngritur para tre vjetësh në nderim të 2400 kukësianëve të masakruar barbarisht nga ushtria kriminale serbe në vitin 1913.
Me siguri që atë Memorial Bashkia e Kukësit e ka zhdukur me porosi të Ramës. Ai Memorial nuk mund të vazhdonte të ekzistonte më tej në nderim të martirëve kukësianë, sepse pasardhësi i kryetradhtarit Enver Hoxha, neokomunisti Rama, i cili ndjek me besnikëri rrugën e tradhtisë së atit të tij shpirtëror, ka çelur një epokë të re në marrëdhëniet e neokomunistëve të Tiranës me serbosllavizmin, epokën e Ballkanit të Hapur. Dhe në këto kushte, nuk është e hijshme nga ana e Ramës që të vazhdojë të mbajë ende të ngritur memoriale dhe lapidarë që të kujtojnë armiqësitë e vjetra me serbokriminelët. Tani Rama, përmes Ballkanit të Hapur, kërkon të ndërtojë vetëm ura “miqësie” me serbosllavizmin e Vuçiçit, paçka se ky ka qenë dhe mbetet kryekriminel i shqiptarëve, gjë që Ramës nuk i ngjall kurrfarë shqetësimi. Sepse atij i intereson vetëm farkëtimi i miqësisë së zjarrtë me serbosllavizmin dhe futja e shqiptarëve në vathën e Serbisë, pikërisht siç bënte thirrje kryetradhtari Enver Hoxha në mbledhjen e Byrosë politike të 15 dhjetorit 1947:
“…Duhet ta fitojmë kohën e humbur e të bëjmë sa më shpejtë bashkimin de fakto të Shqipërisë me Jugosllavinë në të gjitha fushat, (parti, ekonomi, ushtri, etj.), se Shqipëria nuk mund të qëndrojë si shtet i pavarur dhe aq më pak të ndërtojë socializmin, pa u bashkuar me Jugosllavinë…”.
Çdo shqiptar me vetëdije të lartë kombëtare, kur sjell ndër mend këtë thirrje të kryeargatit të serbosllavizmit Enver Hoxha dhe Ballkanin e Hapur të Ramës dhe të Vuçiçit, vetvetiu vjen në përfundimin e logjikshëm se klika veteranokomuniste e djeshme dhe klika neokomuniste e sotme, me Ramën në krye, janë tradhtare të kombit shqiptar, kryeargate dhe kryeservile të pështira të serbosllavizmit.
Pra, qëllimi i kryetradhtarit neokomunist Rama është vënia në jetë e thirrjes së Enver Hoxhës për miqësinë me serbosllavizmin dhe flakja në humnerën e harresës e të gjitha krimeve të tij kundër shqiptarëve.
San Diego, Kaliforni
24 nëntor 2021
Faleminderit Fjales dhe respekte per problemin sa te mprehte aq dhe prekes. I dashur profesor! Jetoj ne Albany upstate NY. Para disa vitesh u desh te ndertohej nje shetitore buze Hadson river. Lindi nje problem. Shkak u be nje pllake me permasat 35 me 30 ku shkruhej Albania.pllaka e vjeter me shume se 50 vjet dhe askush nuk e di si dhe pse i vendos. Nje gje eshte e sigurte. Ka pasur nje komunitet shqiptar dhe pllaka eshte vendosur je respekt te tyre Shetitorja u shty vetem se askush nuk donte te prishej ajo pllake me emrin ALBANIA. U miratua nje fond i vecante vetem per te ndryshuar planin e shetitores qe te ruhej si deshmi dhe pjese e pasur…
I shumenderuari Prof. dr. Eshrefi, tungjatjetani! I bashkohem plotësisht reagimit
Tuaj në mbështetje të shqetësimit të intelektualit atdhetarë z.Rexhep Shahu. Është tronditës
ai veprim, madje njësoj si masakra, sepse kërkon ta zhduk, mohoi e fshijë përgjithmonë nga kujtesa historike. Nuk kam dëgjuar apo lexuar për diçka të tillë të ketë ndodhur në ndonjë
vend tjetër. Mendoj se duart tradhtare nuk mund t'i realizojnë dot qëllimet nqs iu kundërvihemi
fuqishëm e vendosmërisht me të gjitha mjetet demokratike. Edhe në këtë rast s'kanë për tja
dalë. Ju uroj shëndet e gjithë të mirat! Gëzuar festat! Me konsideratë të veçantë, K.Gjergji.