Nesër përsëri …


Petrit Malushi

Nga Petrit Malushi

Mjekët heronj, mbretër !

Mjekë, ju …

Të vetmit heronj, mbretër !

Heronj me guximin,

Mbretër me fjalët.


Mjekë, tuajat…

Fjalë, mbi çdo dekret mbretëror.

Këshilla, mbi çdo ligj, urdhër ministror.

Porosi, mbi çdo përkujdes atëror.

Sepse…


Me dekret, një jetë mund të falet.

Me ligj, një shkelje mund të ndalet.

Me pakujdes, një dikush mund të çalet.

Por mjekë …


Fjalët, këshillat, porositë tuaja,

Përballja me jetëngrënësin e mistershëm

Shpëtojnë dhjetra, qindra, mijëra jetë.

Mjekë me …


Përkushtimin, thjeshtësinë, guximin

Ju, sot jeni ngjitur në pidestalin

E heroizmave dhe të mbretërive.


Nesër përsëri …


Që nesër përsëri bashkë :

Të takohemi, i dashur mik

Të pimë kafe, i nderuari shok

Të përshëndetemi, i respektuari koleg

Të mirëmëngjesemi, i miri fqinj

Të shkëmbejmë buzëqeshje

E jetën ta jetojmë …

Ju lutem, sot :

Ta kalojmë ditën pa u takuar,

Të mos pimë kafe bashkë,

Të përshëndetemi nga larg,

Të mirëmëngjesemi pa hapur dyer !

…Deri sa qafën ta thyejë

Viruskorona !

24 views

Shkrimet e fundit