VEÇ KUR E HUMBA DASHURINË
- Prof Dr Fatmir Terziu
- Mar 16, 2022
- 1 min read
Poezi nga Kozma Gjergji
VEÇ KUR E HUMBA…
Veç kur e humba dashurinë
Për ca grindje të kota
Dhe kapriçio idiote,
Kuptova thellësisht
Ç'thesar diamantesh kisha.
Ja thoshja këtë i brengosur
Hijes time strukur te këmbët
Si qen i plagosur që
Shikon i habitur dhe
Rënkon nga dhimbja.
VAGINA
(Nga poeti i pornos Ubaldo, personazh i
trilluar i tregimit tim "Patriarku dhe të tjerë.)
Minierë gurçmuar,
Vullkan epshesh të nxehta,
Brazdë e gjelbëruar
Ku rrënjën e saj ka jeta.
Për tek zemra e çdo femre
Të çojnë shumë rrugë,
Por vetëm ajo përmes vaginës
Është më e bukura dhe e sigurt.
DEMONËT
Demonët e errësirës
Gjithmonë na shfaqen
Si
Ëngjëj të dritës.
Kujdes nga demonët ëngjëj!
GJETHET
Vallëzojnë e fluturojnë
Në ekstazë…
Se mos e dinë ato
Nga do t’i çojë era!
MADHËSHTIA
Me pamjen dhe peshën e rëndë
Edhe të tërheq,
Edhe të trëmbë.
REJA
Reja sokëlliu e gjëmoi
Mbi fushën e djegur nga zhegu,
Kurse gjithë shiun
Shkoi dhe e zbrazi në kënetë.
SI SHPJEGOHET?
Si shpjegohet gjithë
Ajo mani e dëshirë
E shpezëve kërmëngrënëse
Për të fëlliqur me glasa
Çdo kulm e majë të lartë?!
VDEKJA
Në vendin tim
Është e vetmja
Gjykatë supreme
Që jep drejtësi
Pa asnjë dallim.
Kozma Gjergji.
I nderuari koleg, poeti dhe prozatori z.Minush Hoxha, shumë falënderime për
"ekspertizën" këtij cikli me poezi, e cila më entuzizmon dhe nxit t'ja shtoj edhe më tepër
shpejtësinë "trenit"poetik. Është vërtet kënaqsi e veçant kur produktet, veç lexuesve, t'i
pëlqejnë dhe vlerësojnë miqtë krijues.
Ju uroj gjithë të mirat e suksese të vazhdueshme në krijimtari, K.Gjergji.
Lexova poezitë dhe natyrisht që i pëlqeva. Të shkurtëra e domthenënëse dhe një fjalor i zgjedhur mirë lirik. Tek poezia e dytë, në një film të Al Pacinos në rolin e të vërbëtit, tek këshillon një të ri duke eksplikuar strukturen seksore të femres, për këte titull ia thot: ,, e ajo...ajo është paseporta për parrajsë" e që vargu nënkupton këte. Shëndetë e suksese edhe si poet.
Miku im Sotir, tungjatjetani! Më vjen mjaft keq për sikletin që paskeni kaluar.
Qofshin të shkuara e paçi kurdoherë shëndet të mirë dhe frymëzime të reja befasuese
në krijimtarinë letrare. Ju jam mirënjohës për gjithçka shpreheni rreth poezive të mia,
dhe në të njëjtën kohë ju uroj edhe juve suksese si gjithnjë.
Ju përshëndes përzemërsisht e me respekt, K.Gjergji.
I dashur Myslim, faleminderit shumë për fjalët aq miqësore e përkëdhelëse për
këto krijime poetike të mia. Ato vlerësime sa të lumturojnë aq mund të kthehen edhe në
ndëshkim nëse nuk përligjen. Arti është si shpata me dy presa.
Ua shpërblefsha në gëzimet tuaja krijuese! Me konsideratë e dashuri, Kozmai.
S.Athanasi:
Afërsisht dy javë në Tiranë, mora një ftohje me kollë dhe rrufë. Tani u ktheva në Athinë dhe shoh një cikël me perla të poetit dhe mikut tonë K.Gjergji. lexoj shënimin e Myslymit dhe vë buzën në gaz. Ai ndalet te dy poezitë e dallueshme edhe nga unë dhe kjo më gëzon. Se i bashkangjitem një tjetër poeti gjithashtu tejet të talentuar. Si shpegohet dhe Vdekja, të cilat kanë gjetje tejet origjinale. K.Gjergji është poet i veçantë në të tilla raste për të cilat befasimi është fjalë e pamjaftueshme. Urime të përzemërta./ S.Athanasi, / Athinë.