top of page

U NUSËRUA DHE GORRICA


U NUSËRUA DHE GORRICA


Poezi nga Kozma Gjergji



METEORI


I dashuruar me vdekjen

Hap në errësirë

Një rrugë drite.



SUNDIMTARËT


Që të sulltanisnin rehat

Dikur na mësonin

Ta shihnim njëri-tjetrin

Me sytë e kobrës e krokodilit,

Sot na mësojnë

Ta shohim njëri-tjetrin

Me sytë e dhelprës e tigrit.



PRILL


U nusërua dhe gorrica,

U dhëndërrua dhe murrizi.


Qielli s'e përmbajti dot

Një shi lotësh gëzimi.



LUGETRIT


Hajdutët

E veshur me pushtet

Më bën të besoj që

Lugetrit

Ekzistokan me të vërtetë.



DEMI


Gjithë mllef

Zhgërryen tokën me brirë

E dherat hedh përpjetë.


Mbi kokën e vetë i bien.



Muzg


Në melankolinë e mbrëmjes

Ca shelgje të zverdhur

Dergjen në kotësi.

Ca shelgje.


78 views3 comments

3 Comments


Kozma Gjergji
Kozma Gjergji
Apr 07, 2022

Miq të respektuar z.Myslim e z.Sotir, mirënjohje për mendimet e vlerësimet

rreth poezive. I çmoj tepër dhe gëzohem, sepse ato i shprehin krijues të talentuar dhe

me përvojë. Siç e dini çdo publikim është një provim, prandaj janë dhe aq të nevojshme

, sidomos, prononcimet e kualifikuara. Ju falenderoj shumë për këtë ndihmesë të vyer.

Me nderime e konsideratë, K.Gjergji.

Like

sotir.mimi
sotir.mimi
Apr 07, 2022

S.Athanasi:

Lexoj dhe rilexoj poezitë një nga një të këtij cikli poetiko-filozofik dhe them ky është Kozmai. Të befason me idetë që shtron dhe të fut në mendime për t'u kthyer varg pas vargu e për t'u ndalur sa te Meteori, në Prill, Lugetërit, Demi a Muzg. Të gjitha perla pa dallim. Urime e vazhdimsi, miku ynë K.Gjergji!

S.Athanasi/ Athinë!


Like

Kozma Gjergi eshte nje ze i vecante poetik. Menyra si e koncepton realitetin, si e

interpreton, si e shtrydh dhe si e percjelle tek lexuesi te befason. Te befason per faktin

se s'ka asnje varg te tepert, s'ka shtirje dhe artifice per tu dukur...

Poezia e tij eshte esence lirko- filosofike me mesazhe gati proverbiale:

Kujtoni p.sh. poezine "Meteori", ose "Sundimtaret" ose "Prill" ose "Lugetrit" ose, ose, ose,

i gjithe cikli me pelqeu...

Suksese, me arritje te tjera. Te perqafoj: Myslim Maska, Athine.

Like

Shkrimet e fundit

fjalaelireloadinggif.gif
bottom of page