Ju falem o mrekulli të vendlindjes
Të falem ty Korab dhe ty Drin
Perëndia ju krijoi për Shqipërinë
Korabi me kryet në re
Flet me Perëndinë dhe na tregon ne
Me zërin e tij siç flasin malet
Kur je në Korab largohen dhe hallet
Kur je në mal të zgjerohet gjoksi
Në majë të malit rrjedh gurra e ftohtën
Në majë të malit, liqeni i Dhoksit
Në majë të malit liqenet e Lurës
Në majë të malit liqenet e Kacnisë
Në majë të Homeshit, në fshatin Bllacë
Lutu o njeri te vend i perëndisë
Në majë të malit, bjeshka e Ilnicës
Nga mali i lartë Velivar
Rrjedh një ujvarë që pak e kanë parë
Drini gurgullues rrjedh në luginë
Aty ku unë linda dhe kam shtëpinë
Aty ku u rrita, kalova fëmijërinë
Eh Drin o Drin sa vuajtje kalove
Sa shumë donin të të kishin të tyre
Nga vuajtjet dhe luftërat edhe u nxive
Por për mua mbete kristal.
Këmbët kam freskuar në ujin tënd
Kur kisha vapë
Sytë i kam larë në ujin tënd pasqyrë
Dhe dua ti laj prapë
Por jam larg, lumi im
Jam larg, mali im, jam larg
Por largësia dhe mosha
nuk më ndal të shkruaj, nuk më ndal
Nuk e di përse uji yt , Drin
Më shëron çdo plagë
Nuk e di përse ajri yt, Korab
Më ngre në qiell dhe më ul prapë
Ju falem në gjunjë o mrekulli të vendit tim
