Trill


Gladiola Jorbus

Trill

Dritëzat u shuan në pupilat e mia.

Lotët ëndërrojnë të shndrisin muzgëtirat.

Hijet notuese kridhen

mbi detin kaltëror të trishtimit.

E dhembjet - fshikullojnë rrezet e diellit

në flokë, në arterie, në krejt shpirtin tim.

Malli i zbehur nga vitet e brishta

derdhet në lumë si një poezi e harruar,

si një peng i vjetër që humbet në rrjedhën e tij.

Nata zhvesh petkun e errët.

Ngjyhet me purpurin e çmendur të agimit.

Dhe me një buzëqeshje shtinjake,

u dorëzohet trilleve të lashta sa Toka.

18 views0 comments

Shkrimet e fundit

fjalaelireloadinggif.gif