top of page

Titulli më i lartë!


Titulli më i lartë!

Nga Fatmir Terziu


Lind

belbëzon

nënë e babë

dhe jeta të ysht në garë.


Ti je në rrjeshtin e madh të jetës,

përtej shkallarëve

ditës,

dritës,

zhurmës,

punës,

fjalëve, reklamave,

dashurisht, mes sharjeve,

dashurisht, mes halleve,

dashurisht mes ngjyrave,

dashurisht me të ngrohtin e të ftohtin,

dashurisht, auditoreve dhe zyrave,

mes sharmit dhe kollareve,

e buzëqeshja tret lotin,

bëhesh personazh i ekraneve

me Tituj, ndere, lavdi, që vetëm të joshin…


…Rilind

kur titullin më të madh përtej fjalëve

ta jep të qënit Prind!


Por kjo forcohet prapë

kur ke të thërrasësh Nënë e Babë,

ky është titulli më i lartë!


Më pas mbetesh vetëm një personazh

në lojën e rrethit të madh

duke u konsumuar si një ingranazh

jeta të sjell vërdallë deri sa të ngre atje Lart:


Të Tjerë janë në radhë

për Titullin më të Lartë!


(Kujtimit të prindërve të mi të shtrenjtë: Hafize dhe Dail Terziu)

42 views1 comment

1 kommentar


fahri dahri
fahri dahri
27 jan. 2023

Qofshin të xhenetit. Një dedikim gjithë përfshirës. Për mua vlerësimi është që këto vargje janë vetë jeta e çdo të linduri. Është filozofia e jetës. Portali "Fjala e lirë", është një bibliitekë ku gjithçka gjen të gatshme. Janë kryesisht shkrimet e profesorit Fatmir Terziut. Këtu shkruhen dhe lexohen tema nga më të shumtat dhe nga penat e inteligjentëve të nivelit të lartë, mendimtarë, profesorë, akademikë dhe nga të tjerë pa tituj shkencorë por me përvoja të jetës të cilat ngrejnë dijet e lexuesve të ndryshëm. Falenderime profesor Fatmiri që ke shumë vite që na dituron me portalin vërtet të "LIRË". RESPEKTE.

Gilla

Shkrimet e fundit

fjalaelireloadinggif.gif
bottom of page