TATUAZH NË ZEMËR


Vullnet Mato

TATUAZH NË ZEMËR

Për mua mos bëj tatuazh në lëkurë,

në organin e madh të bukurisë trupore.

Lëkurën me bojë mos e shkruaj kurrë,

të asfiksosh frymëmarrjen në pore.

Për mua tatuazhin, ta bësh në zemër

Jo në lëkurën tënde të ndritur qelibar,

të të dalloj në shpirt, nga çdo femër.

pa puthur ngjyrat e kimikatit gënjeshtar.

Mua nuk më pëlqen, as qielli errësuar,

kur me ngjyrën e hirit, e tatuojnë retë,

dua të shoh lëkurën qiellore të pastruar,

të më kënaqi sytë, me kaltërsinë e vet.

Për të shkruar, ke letër e beze plot,

pse të gërmosh parrulla në lëkurë?

Reklama më e mirë e femrës në botë,

është lëkura, që eksiton çdo burrë.

Mos e bëj lëkurën, me ngjyra balte,

si te fiset primitive, të Afrikës jugore,

që jetonin lakuriq, në kasolle kashte,

të dallonin njeri-tjetrin nga ngjyra racore.

Ti lakmo pasqyrën me kremrat kozmetik,

ta mbash lëkurën, si zambak të bardhë,

të ndjej në shtrat parfumin tënd aromatik,

të puth trupin e lëmuar, si mollë e dardhë.

Bëj çdo zbukurim nga koka në këmbë,

ta bësh lëkurën të butë, si mëndafshi,

të dukesh lule femërore me trupin tënd,

të nuhat petalet e tua, të ndjejë afshin.

Për mua tatuazhin, ta bësh në zemër

Jo në lëkurën tënde të ndritur qelibar,

të të dalloj me shpirt, nga çdo femër.

Jo të puth ngjyrat e kimikatit gënjeshtar.

19 views0 comments

Shkrimet e fundit