Sot është një ditë e madhe e bekuar!


Sot është një ditë e madhe e bekuar!! Në të njëjtën datë lindën dy gjigand të letërsisë Shqipe....

Migjeni dhe Dritëroi!



E MBANI MËND MIGJENIN?


“Poet si Migjeni janë stoli e Kombit!”

E mbani mend Migjenin...

mbetur nën heshtjen e mjerimit?

E varrosën nën gurë,

si kujtim i lanë kostumin e melankolisë!

Të mallëngjyer deri në lot

t’i zgjasim duart drejt Poetit,

të mallohemi me lahutën e kohës

me “dashuri epshore”!

Thonë se...

Migjeni ende merrë frymë

me fytyrë të ëmbël, të dashur

vargjet e tij tretur në shpirtin krenar

janë zjarr,

flasin me një gjuhë të re...!

***

Tek guri i varrit dëgjohet zëri Migjenit

si zog prej qielli ai jeton si brengë

braktisur nëpër kishat e dëshpërimit

zhele, zhele!

26 Mars-2013


DRITËROI I DEVOLLIT...

Mes erërave, e bukura jetë

lindi poetin e së ardhmes

atje...

ku Devolli

nën qiellin e tij jetonte gri!

Në gjirin e Devollit

filloi të shkruajë letra…

me ngjyra të kuqe, të gjelbërta

mes fjollave të duhanit e qejfit të ponçit!

Ai devolliti

e mori jetën ndër duar

e veten e la diku... shtegëtar,

shokë e mik me Maton e Mekon,

me Zylon e turkeshën u miqësua.

Dritëro e quajnë!

Është mëkat t’ia prekësh flokët

pasi, plisi thërrmohet

e bilbili këngës ia merr,

‘’Devoll, Devoll, i tillë qenkam unë...!’’

Nga Arqile Gjata


157 views0 comments

Shkrimet e fundit