Shtëpia e tij u bë bazë e rëndësishme


Më 17 qershor të vitit 1854 lindi Hoxhë Hasan Moglica, një atdhetar me përmasa mbarëkombëtare, luftëtar dhe dijetar i shquar. Lindi në Moglicë të Dibrës. Ka ndjekur studimet fillimisht në mejtepin e Peqinit e më pas medresenë e Elbasanit, ku pas tyre do të vazhdonte shkollimin në Universitetin e Stambollit, me qëllimin final për t’u rikthyer e për t’i shërbyer vendit të tij. Shtëpia e tij u bë bazë e rëndësishme dhe strehë për të gjithë atdhetarët e asaj kohe. Pas vendimeve të padrejta të Kongresit të Berlinit për çështjen shqiptare, u vu në mbrojtjen e Lidhjes Shqiptare të Prizrenit, ku mori pjesë së bashku me delegatët e tjerë të Dibrës. Më 1909, Hoxhë Hasan Moglica mori pjesë gjithashtu në Kongresin e Elbasanit, ku midis të tjerave u vendos edhe hapja e Shkollës Normale për të përgatitur mësues për gjuhën shqipe. Hoxhë Hasan Moglica u ekzekutua barbarisht nga shovenistët sërb te Ara e Shermetit më 15 qershor 1915, së bashku me bashkëpunëtorin e tij të ngushtë Avdi Sallaku. Në vitin 1975 Hoxhë Moglica është dekoruar nga Presidiumi i Kuvendit Popullor si Patriot e atdhetar i shquar dhe eshtrat e tij prehen në Varrezat e Dëshmorëve, në Peshkopi.

14 views0 comments

Shkrimet e fundit

fjalaelireloadinggif.gif